اهلي وريلي رعاية الاطفال

السلام عليكم
هذي اول مشاركة لي
انا متزوجة وعندي ولد وبنت مشكلتي غير مشكلتي امي كانت تباني اتزوج واحد عنه بيزات حتي لو معرس ريلي ما تتقبله لانه على قده مع انه زين وياي دوم تسمعني هالاسطوانه شوفي فلانه منو ماخذه صبرت واخذت واحد عنده فلوس مب حافي ومنتف شوفي فلانه مريحه امها لان زوجها عنده فلوس شاله امها شيل قلتها نصيبي وبعدين اهم شي انه زين ويخاف الله فيني شو بستفيد من الفلوس اذا هو سكران او مغازلجي او غيره هي مشكلتي الاولى
المشكلة الثانيه امي ما تحب ازورهم مع اني بنتها الوحيده معرسه قلبها قاسي تخيلو مرة قالت لي متي تعالي مرة بالشهر يكفي مع اني كنت اسير مرة بالاسبوع مرة قعدت شهر ولا زرتهم ما قالت وينج ليش ما تيين كل ما اسير عندهم تحرجني تسالني متي بتروحين بتتعشين صدج انحرج مرة ابوي اصر اتعشي عندهم قلت لابوي مرة ثانيه امي ردت تتعشي بيتها اريح ومرة صبغنا بيتنا عندي بنت عمرها شهر وريحه قويه قلت لها بيي عندكم قالت سيري بيت عمج اريح لج الحين استويت اسير بالشهر مرة والله العظيم اشتاق لها واشتاق للقعده ويا اخواني تيني صيحه لما اشوف ربيعاتي يزورون اهلهم ليش انا امي جي تسوي وياي البارحه اقول لها بشوف ابوي بييكم كان مريض قالت لي لا تيين حرمة اخوج مزكمه انا شو يخصني بحرمة اخوي شو يخص الزكام قلت اوك ما سرت كل ما اقولها مشتاقه لج بشوفج ومشتاقه لابوي وخواني تقولي احنا بنييج لا تيين ولا تيي صدج تحز بخاطري الام تشتاق لبنتها الا امي ريلي يقولي ليش ما تسيرين عند اهلج اقوله مالي خاطر مابا يعرف ان امي وما تباني ايي والله العظيم مرة في رمضان قلت بزورها دقيت عليها الساعه 10قالت لي برقد مرة ريلي عند الباب سلم عليها قالت له تراني برقد مع انه بعده وقت
شو اسوي من حقي اشوف اخواني واقعد وياهم ولا لا

الله يهديج يا اختي ما فهمتي على امج!!
لاحظي انها تقول فلانه اتزوجت غني و ريحت امها !!

خذيها بالسياسه دام انج ما شاء الله عليج عاقل و رزين.. حاولي تعرفين شو اللي يسوونه البنات اللي على قولتها مستانسات.. يعطون امهاتهن شي ولا يسوولهن شي عادي اعرفي و سوي شي تشوفه امج احسن عنهن.

القصه انا اشوفها غيره من ربيعاتها ولا جاراتها اللي ما عندهن الا الفشخره الواهيه

اقولج هالشي لان الله يهدي امي كانت جيه.. و عرفت لها.. الله يهديهن و يخليهن لنا

مبين ان امج تباج تييبين لها هدايا وفلوس كل ما تروحين عندها
ما قلتيلنا شو حالتها المادية ؟؟ زينة ولا ؟؟

حاولي لو تقدرين يوم تسيرين عندها تاخذيلها اشيا هي تحبها او تعطينها فلوس …

والله يهديها ويحنن قلبها عليج ..

خواتي ريلي على قد حاله وقت تكون عندي بيزات اعطيها بس هي الله يهديها تبا اكثر والله قاعده احاول ما اقصر وياها

ﷲ يهديها يأرب