شحالكن يا عرايس وصبايا ومعرسات ؟ 
مثل ما تدرون اليوم نزل ملحق عروس زهرة الخليج –> واللي ما تدري انا خبرتها الحين خخخ 
و هالموضوع لـ انطباعاتكم عن المجلة بشكل عام والاشياء اللي حبيتوها والاشياء اللي ما عيبتكم !
يعني الموضوع فرفشة وسوالف و نقاش هادف وتبادل افكار مب دعايات ولا مجاملات ^_*
انا Start عن نفسي احس هالكتالوج مب لين هناك ومافيه وايد اشياء مفيده ومميزة بالمقارنة مع الاعداد السابقة
و فيه اشياء مالها معنى ودعايات بحته .. يعني تقييمي له 6 / 10 تقريباً 
الاشياء اللي حبيتها شويه مب وايد لول
اولاً فستان عروس كلاسيك وستايل اوروبي من تصميم زهير مراد صفحة 27 ..
حسيت انه راقي وهاي كلاس و طبعاً يباله عروس جسمها مانيكان ومخصره وناعمه ^^
ثانياً روج لانكوم لون بيتشي فاتح على ديرتي بينك شويه ..
اسمه (L’ Absolu Rouge No. 06) فوقه قلوس بعد من لانكوم اسمه (L’ Absolu creme No. 201) ..
احب هالدرجه دوم ادورها وما احصلها ! (الصورة في قسم كوني نجمة العرس بألوان لانكوم)
ثالثاً شوز خبال يجنن لون ديرتي بينك و عليه حبات ستراس (فصوص) بأحجام مختلفة
من تصميم Giuseppe Zanotti في قسم افكار انيقة ..
انا ماخذه فستان ناعم هاللون و حبيته الشوز بسير اشوفه في دبي مول ^_*
رابعاً فكرة شهر العسل في منتجع جبل فيجيلويس
في جبال الألب الايطالية على ارتفاع 1500 متر (عاد انا عوقي السفر والسياحة لول) ..
وعشقي جبال الالب والحياة والطبيعة والهدوء اللي فيها والقرى الصغيرة المتناثره على قممها الشاهقة =)
خامساً مكياج Josette Kassarjian
عاد مادري شو يطلع هذا ريال حرمة ما يندرى ههههههه
بس عيبني المكياج اللي صوب اليمين وايد راقي ويبرز جمال العيون والشفايف
سادساً فستان العروس اللي لابستنه عارضة Josette Kassarjian
من تصميم عقل فقيه واااااو الصراحة حبيته من قلبي ..
فيه حبات لولو صبّه باحجام مختلفه ومتنوعة بس طالع التصميم رووعة
سابعاً تسريحة صالون كلاس كليوباترا اللي على صوب واحد
وفيها شرايط بيضا في الصورة الثالثة ..
واايد عيبتني قريبه من تسريحات طوني مندلق ..
بس بشكل عام ماحب شغل كلاس كليبوباترا احس دفاشة ومول مب كلاس لوول
ثامناً عطر Quizas Quizas Quizas من لويفي
بس الرمادي على اسود مب البنفسجي اللي حاطين صورته فالمجلة ..
صح انه جديم مب يديد لكن ريحته رهييبه
:
:
في النهاية اتمنى ينال الموضوع على اعجابكم
الصور اللي صورتها من المجلة بضيفها على الموضوع باجر ان شاء الله
و الاشياء اللي ما حبيتها ما كتبتها عشان ما يزعلون اصحابها .. بس فعلاً بعض الصور تقبيح مب تجميل !
و اتريا اتفاعلكم الحلو لني تعبت عليه الصراحة ^.^
دمتمـ بود
وبس بالتوفيق لكل العرايس
ان شاء الله احصل واكيد بقولج رايي
