انا في صلالة حاليا… بس للاسف ….. لذوي الاحتياجات

انا صارلي من يومين في صلالة .. بس للأسف و الله الجو ابدا ما يوحي انه في خريف
درجة الحرارة في النهار توصل 31 او 32 …. و في الليل 29 ..
بس لا رذاذ و لا خضرة ولا شي موووول!!!!
لاا و بعد الشقق عندهم سالفتها سالفة .. غالية وايد و ماشي نظافة ابداا.. ابدااا ..
والله لاعت جبدنا انا وريلي و نحن ندور شقة نظيفة بس للأسف ما حصلنا ..
المهم انا موول ما انصح حد يزور صلالة حاليا .. يمكن في شهر 8 بيعتدل الجو .. بس الايجارات بترتفع واااااااااايد واااااايد ..
واي سؤال انا حاضرة ..

الله يعينكم ..نحن ناويين نسير شهر 8 اذا ربنا اراد ……….بس عن مكتب سفريات
وان شاء الله خير

حبيت أفيدج يا أم عبادي عن شقق نظيفة إحنا سكنا العام في منطقة أسمها الدهاريز الجنوبية فيها شقق جديدة ونظيفة

بس المهرجان بعدة ما بدأ أنتوا وااااااااااااايد مجدمين السفرة المفروض تسافرون بعد تاريخ 25 سبعة والمهرجان يبدأ 15 سبعة بتستانسون فيه بالليل

ورحلة موفقة الغالية

الوقت غلط حبوبه

اصلا هيه حلاتها في 8 مب الحين

حتى المهرجان مابدا اصلا

وبالنسبه للسكن مممم هم جي مستوياتهم بس انتو دورو شي عدل

ممم شقق السعاده حلوين حبوبه جربوها
وان شاءالله تستانسون ^^

الله يسر اموركم يارب

حبيبتي الخريف يبدا اول 8 يعني نحن كنا انروح 10-8
والجو يكون روعه ونقعد 20 يوم حتى المهرجانات في 8 .. بس هالسنه رمضان بيكون في 8 عشان جيه الواحد لازم يحط في باله …
لو سرتوا ماليزيا جان ابرك ..

ومعاوضه ان شاء الله