ام ريلــــي … واخـــت امـــي .. للأسف البطن اللي شل أمي ما رد يشــل مثلها لتربية الطفل

والا من وين انتهي .. حاسه بغصه .. من البارحه ما قدرت ارقد .. ويوم ايلس بروحي ايلس افكر .. عشان جذا احاول الهي نفسي باي شي .. غير التفكير اللي اييب الويع والهم

انا ساكنه ف بيت ارووحي … والله يشهد ان عمري ما غثيت خالتي بشي … (ام ريلي)

ولا عمري طولت لساني عليهااا … لان فالشهر اشوفها مره والا مرتين … اضحك واسولف وياااها ..

وتتشكالي مرات عن حريم عيالهااا .. من اتصير مشكله بينها وبين وحده منهن ..

خالتي ما تتعاشر .. اقولهااا بكل صراحه … (اخت امي انسانه مسلووونه .. ما تتعاشر .. )

امي ما كانت موافقه ع زواااجي من ولد اختهااا .. بس لما شافت ريلي انه متعلق يباااني وافقت .. بس شرطت اني ما اسكن عن ف بيت ريلي … تباااني اسكن بعيد عن اختهااا … ووافقوا .. وهالشي اللي ريح امي ووافقت بعد هي ..

طبعا بعد العرس استوت ايد مشاكل بين اهل ريلي وبيني وبين اهلي ..
والسبب ان اخوووي ماخذ بنتهم بعد ..
ويوم تستوي مشاااكل بين اخوي وحرمه دخلونا انا وريلي فالسالفه … طبعا خالتي هي اللي ادخلنا .. وعشان جذا اهلي يدخلون بعد فالسالفه ..

والحين الحمد لله الامور هاااديه .. وجمن سنه ما صارت الا اشيا بسيطه .. بس انا قلت حق ريلي لا تدخلني ف مشاكل اخوووي واختك … مالي خص ف حد … والحمد لله هدت الامور ..

لكن من جمن اسبوع خالتي ماطه البوز علي … واتوقع ان بسبب بنتهااا .. لان اخوووي مخلي حرمته عند امهااا … هب لشي الحمد لله.. بس لان هي اللي تبا …

يلست فتره بسيطه جدا .. وبعدها بدت الامو تشتد .. اونه اخوووي ما يه يشل عياله من بيت امهااا .. واونه ما يباااهم ومن هالكلام ..

مع انه اخوووي ما قصده شي ولا يدري باللي يستوي ..

بتقولون كيف عرفتي .. لان اخت ريلي هي اللي قالت لريلي .. اونه فلان ما يه يشلناا .. ولا تصل ..

قاللها ريلي انزين انتي اتصلي .. قالت ليش اتصل يوم هو ما اتصل ..

ومن هاااك اليوم خالتي مبوزمه علي انا … انزين انا شو دخلني ؟؟ والا يعني شافتني مرتااحه ويا ريلي وتبا اتنكد علي؟؟

ع فكره خالتي ما اجمع … خالتي عندها اتفرق بين الحماعات…

والبارحه سايرين عندها مرور بس .. انسلم عليهااا …

وكان ريلي يالسه يشرب لبن .. طبعاااا ما كان اي احد موجود غيري انا وياااه .. ويقولي تبين لبن؟؟؟

جان اقوله ما اريد اخاف شي محطيله .. اتمصخر … لان هو متعود جذا يتمصخر جدام اهلي .. وامي تضحك عليه واتقوله لو شي محطيله ما بخليك تاكل منه .. وانته ولد اختي ما تهون علي…

جان يقول بخبر عليج امي وهو يضحك … وقلته يا ويلك .. (لان خالتي ما اتعرف للمصخره .. تقلبها جد.. وما بيسدها جذا ..بتسير اتخبر علي بناتهااا وحريم عيالهااا وحريم اخواانها .. يعني بالمختصر تنشحني جدام العايله.. وللاسف اتزود بالرمسه من عندهااا .. )

المهم قلتله عن قلة الادب الزايده .. وجان تدخل خالتي ع هالكلمه .. ومن دون ما تسم قالت شو قلة الادب ؟؟
سكتت عنهاا .. وجان يضحك ولدها ويقول ماشي ..

ووقفت اسلم عليهااا .. حتى سلامها كان من ورا الخاطر ..

خلاف يلست وجان اتقولي فلانه ما علموج اهلج ما اترمسين ريلج جذا ؟؟
قلتلها كيف يعني جذا؟؟

قالتي اتقوليله قليل الادب .. قلتله خالتي انا ما قلت بان هو قليل الادب … وانتي سمعتي شو قلت انا ..
وبعدين خالتي ما احب حد يتدخل بيني وبين ريلي .. وولدها واقف مستغرب من ردي ..

قالتي اهلج ما علموج ..؟؟ قلتله نحن متعودين ع المصخره واهلي علموووني وربوني احسن تربيه …
عيل ما شفتي بنتج يوم اترد ع اخووووي .. اهلها ما علموهااا؟؟
جان يقولي ريلي انسير انسلم ع يدتي ..

ويوم سرنا عند يدتي لحقتني .. وقالت حق يدتي باني قت حق ريلي عن قلة الادب ..

وانا واقفه .. وقالت حق يدتي شي حرمة جذا اتكلم ريلهاا ..

جان اقولللها : هيه بنتج اتقول جذا لخوووي …

اونه اذا هو قليل ادب يعني انا ما عرفت اربي…

جان اتقوللها يدتي .. ليش مكبره السالفه .. والبنت ما قالت شي غلط .. وهالشي بينهااا وبين ريلهااا .. ليش تدخلوون … تتمصخر ويا ريلهااا ..

وجان اتروح خالتي ..

وقالتي يدتي .. امبونها بنتي فلانه اتكبر المواضيع ولا اتعرف للمصخره .. حليلها يدتي كانت وياااي ..

ويوم ركبت السياره قالتي حرمة خالتي هدي انتي ما سويتي شي .. شافت الدمعه ف عيني ..

ومن تحرك بالسياره ريلي يسلت اصيييح .. حتى سلام ما سلمت عليها يوم روحت ..

يلس ريلي يضحك ويقولي تستاهلين .. ليش اتقوليلي جذا .. زعلتي امي ..

طبعا ريلي سواء امه غلطانه والا هب غلطانه بيوقف معااااها .. ..
مع ان الله يشهد اني ما مقصره ع خالتي بشي …
وحتى ريلي يعرف بهالشي .. لكنه يكابر ويقول والله انتي مقصره فأمي ..

مع ان مره ريلي قالي جدام امه .. (شو ما اتعرفين السنع ؟؟!!) انا ما حطيت ف خااطري ولا شياته .. وكنت اضحك واقوله حسن الفاااظك ويا راسك ..

والبطن اللي شل امي ما ياب غيرها فطيبتهااا وحنانها .. هب لانها هي امي .. بس لان الناس صدق اتحبهااا وانا اشوف هالشي جدااامي ..
الناس لما اتشوفني تسالني عن امي .. ولا مره الناس سألوني عن خالتي ..

لان امي واااااااااااااااااااااااااااايد ع نياااتها .. وبالعكس وايد تتمصخر ويا ريلي واخواااني … حتى ريلي يقولي هالشي …

ادري طولت عليكم .. بس الغصه ف قلبي

اكبر طاااااااااااااف لكل هاي الامور وخليها تسوي الي تبيه

يدتي دوم تقول الحقران يقطع المصران

عامليها بالي يرضي ربج وخلاص الباقي عليها لا تيلسين تزعلين عمرج

انا اجوف ليش انتي مضايجه دامج رديتي عليها حلاص طلعتي حرتج فطنشيها ولا تخلين شي يعكر عليج يومج وانتي تعرفين طبعها جيه وما تقدرين تغييرينه طنشيها وانسي ، اطلعي وحاولي تغيرين جوو مضايجه على عمرج وهي مستانسه ولا كأنه مستوي شي فليييش تعطينها هالفرصه علشان تضايج بج وتعكرين على حياتج ،اطلعي واستانسي والله يوفقج

حفظج ربي …