حبيت اقدم لكم تجربتي الشخصيه ..
طبعا في البدايات كان شعري معقول
وجيد ومن كثره الصبغات والسشوار
وعدم الاهتمام حول شعري لفراغات يقدر الشخص يشوف فروه راااسي لدرجه ماقمت اروح الاعراس 
واضايق وطبعا بديت علاج من شهر 1 الي طاف ورحت كوزماسيرج لو تعرفونه في راك ..
الدكتور واااااااااااايد زين وبديت علاج الي هو ابر الميزو واالله ان من السبوع بدا ينبت شعري وكان
يعطيني شامبو خاص و الامبولات جدا ممتازه هي الي ساعدت شعري على النمو وتوقيف التساقط …
وعطاني بعد حبوب فيتامين … وسويت تحليل دم وكان دمي نازل وايد 6 ونص وهذا هو كان اكبر
مسبب لي بتساقط الشعر حبيت افيدكم شعري حاليا غليظ وصار انعم من قبل ولله الحمد الي حابه تستفسر
حياكم الله حبايبي .. وعندي طلب حبيباتي لو عندكم وصفه لرفع نسبه الحديد في الدم لاتبخلون عليه
الصراحة هالدكتور يبا يدفعج وبس مجرد ما تقطعين هالأشياء يرجع الشعر يطيح ما دام عندج فقر دم !!!!
إذا تبين ترفعين الحديد عندج دبس قصب السكر والكبد والكلاوي والخضراوات الورقية مثل الخس والجرجير وعندج المكسرات فيها نسبة حديد
ولا تنسين اللحم الأحمر فيه حديد ويوم تاكلين شربي وراه عصير برتقال ترى فيتامين سي يخلي الجسم يمتص الحديد بسهولة
وبالتوفيق
وأشهد حملة عرشك وملائكتك وجميع خلقك .. أنك أنت الله لا إله إلا أنت وحدك لا شريك لك وأن محمداً عبدك ورسولك .. اللهم ما أصبح بي من نعمة أو بأحد من خلقك
فمنك وحدك لا شريك لك فلك الحمد ولك الشكر.
المشاركة الأصلية كتبت بواسطة قلبي بزي 
الصراحة هالدكتور يبا يدفعج وبس مجرد ما تقطعين هالأشياء يرجع الشعر يطيح ما دام عندج فقر دم !!!!
إذا تبين ترفعين الحديد عندج دبس قصب السكر والكبد والكلاوي والخضراوات الورقية مثل الخس والجرجير وعندج المكسرات فيها نسبة حديد
ولا تنسين اللحم الأحمر فيه حديد ويوم تاكلين شربي وراه عصير برتقال ترى فيتامين سي يخلي الجسم يمتص الحديد بسهولة
وبالتوفيق
لا شعري نفس ماهو غليظ بس حبيت اعرف شي عن رفع نسبه الحديد في الجسم عشان الدوخه الي فيني يعني كل ما أوقف يدور راسي
…… بس للامانه الدكتور ماقصر … ومشكووووووووووووووووره حياتي ويزاج الله خير حبوبه
وجزاج الله خير
والكبد وايد مفيد للحديد ويرفع نسبة الدم سبحان الله وكذلك السبانج والبقدونس ولا تنسينا من دعائج يالطيبة