بغيت اعرف معلومات عن الهند .. التذاكر و السكن و الاسواق و المواصلات ….. المستشفيات .. صرف العملات و غيره …
فاللي ضاريه تسير هناك بليزما تبخل علي بمعلوماتها
و الله يوقفكم و يحفظكم وين ماسرتوا
((كان هالموضوع قبل ما اسافر للهند .. و سافرت لها مرتين و تعلمت وايد اشياء … هالموضوع يتضمن ردود الكثير من البنات و الي اعتبرتها وايد مفيده لي في رحلاتي …… و اتمنى لكل الي بيسير الهند يتطلع عليها .. و يتراسل معاهم او معاي ))
اما السكن احيد امايه يوم سارت سكنت في فندق تاج محل
وشي فندق ثاني بعد يمدحونه
وبالنسبه للأسواق اكثر شي كانت تسير عن اجمل وشيتل
و في فندق الشيراتون محل للشنط يمدحونه
حرمة خالي وبنت خالتي يحبن يفصلن عندهم الابواك الطويله اللي اتي مطرزه بخرز
وايد حلوات
والمستشفيات صراحه ماذكر شوه اسم المستشفى اللي ساروله بس ماعليه بتخبرلج امايه وبرد عليج مره ثانيه
والسموحه
^__^
بالنسبه للتذاكر تقريبا كل شركات الطيران توصل لبومباي
الاسعار تختلف من شركه لثانيه
طيران الامارات تقريبا توصل التذاكر في الصيف لحد 2300 للدرجه السياحه
الطيران الهندي يكون تقريبا ب 1800 (انا شخصيا افضل الطيران الهندي…air india)
كولابا هيه المنطقه اللي يسكونونها العرب والخليجيين وفيها فنادق كثيره والاسعار تختلف بس لازم تحجزين فبله بشهر لانج اذا وصلتي صعب تحصلين فندق محترم وان اء الله بذكر لج اسماء الفنادق وبعطيج ارقام الفنادق اللي عندي بطاقاتهم
بالنسبه للعمله صرف العمله في الهند افضل من الصرف عدنا في الامارات يعني يطلع اكثر ال 1000 درهم تطلع 12000 وشوي بس ما تساوي وايد يعني العصير اللي عدنا بدرهم تشترينه عندهم ب 10 ربيات يعني بدرهم
بس الاسعار بشكل عام ارخص من عدنا
بعد شو بغيتي تعرفين
قولي لي اريد اروح افحص للحمل
المشاركة الأصلية كتبت بواسطة هنوووودي 
قولي لي اريد اروح افحص للحمل
كولابا مافيها مستشفيات يعني ممكن رربع ساعه في السياره او اقل
بس احسن دكتوره للنساء هناك بتوار او سونولا انا افضل بتوار