ادعولي الله يعطيني خيرها ويكفيني شرها
تقريباً من ثلاثة اسابيع
اليوم اتصلوا علي عشان اسير اشل الخدامة من المكتب
وطبعاً نصحتني اللي بالمكتب اشلها احين احسن عشان محد يجرجها علينا(قعدة الخدم مع بعضهم وخبراتهم وإلى …….. وتجارب كل وحده وغيرها) انتم تعرفون
طبعاً انا مداومة ما اقدر اترخص من الدوام عشان اسير اييبها
وريلي قال احسن العصر
وقالي ريلي نخليها اسبوعين بدون فحص لين ما نشوفها زينه ولا شينه
وقلت له على ضمانتك تراه
مع اني مب مقتنعه بالكلام وناويه ان شاء الله افحصها
مافينا ندخل بيوتنا الأمراض خاصة عندي طفله صغيرونه
انا مابخليها تسك بنتي لاني ما اعرف شو جنسها وشكلها
بس حق شغل البيت ولين ما تكمل عندي شهور اشوف سلوكياتها وغيره
وهي عمرها 30 سنه وعندها طفلين
ادعولي الله يعطيني خيرها ويكفيني شرها
آآآآآآآآآآآآمين
يارب
شو تنصحوني لانه هذا اول مرة اييب خدامة ؟
و زين الي تسوينه و اهم شي اذكرج بالاستخارة و قبل ما تطلعين الدوام ادعي
حسبنا الله الذي لا اله الا هو عليه توكلنا و هو رب العرش العظيم (7 مرات)
اللهم اني اسالك خيرها و اعوذ بك من شرها و اجعلك في نحرها
لان صدق الخدم شر لابد منه
يااااااااااااااااااااا رب الله ييسر امورج و تطلع الخدامه حنونة على بنتج
انا انصحج تعاملينها معامله زينه عشان هي بعد تشتغل من خاطرها
بس في نفس الوقت ديري بالك منها وراقبيها من غير ما تحس لين تتاكدين كيف طبيعتها
نبشي باغرااضها ,,ولا قولي لصاحبة المكتب اتنبشها لان في واايد منهم ايبوون
عندهم بلااوي والله يستر,,بالذات الاندونيسياات
الله يكفينا شرهم
موفقة ان شاء الله