مرحبا بنات منو صارلها الي قاعد ايصير لي الحين انا حسيت بالياهل يتحرك بنص الثالث وانا الحين بنص الرابع ومرة احس بتقلص شديد في البطن يعني كاني في الثامن اوالتاسع لما اتشدالكرشه واتحسين ما اترومين تتحركين ومره ولا شي ولا كاني حامل مع ان هذا الحمل الخامس لي بس ولا مر ه صار لي هالشي والي صارلها هالشي شو يابت ينت او ولد يا بنات ارجو التفاعل
المهم صحة الياهل تكون زينه
ولا تحاتي …
شكله ولد حركي الله يثبت حملج اظن طبيعي ولا اتحاتين
المشاركة الأصلية كتبت بواسطة أم كاكي 
شكله ولد حركي الله يثبت حملج اظن طبيعي ولا اتحاتين
من رايها
ولا تخافين
واذا انج اتحاتين استشيري الدكتورة
لووول ان شاء الله ولد .. الي يصير لج صار لي ماشاء الله والله اعلم .
ان شاءالله ولد اذا ماخاب ظني والله يثبته ان شاءالله وتفرحين به يا رب
انا حسيت بحركته بنص الثالث تقريبا ..حركته كانت خفيفه واااايد وناعمه
وهالشي نادر انه الياهل يتحرك فالشهر .. انا كان الكل مستغرب انه يتحرك عندي ..
الله يعينج ع المرافس عيل هههههه ^^