يسعد ايامكم يارب . . بنات انا بنتي ري يحفظها عمرها 4 اسابيع و 3 ايام . . عندها غازات تخليها تصرخ وهي نايمة
الصراحة الدكتور كتبلها قطرات تريحها نوعا ما . . لكن حبيت اسالكم اذا كان في اي ضرر لو استعملت ليها منقوع اليانسون والكمون
وهل يجوز ان اغليهم مع بعض ولا لازم كل واحد لحاله
مشكورين يالغوالي
الصراحة الدكتور كتبلها قطرات تريحها نوعا ما . . لكن حبيت اسالكم اذا كان في اي ضرر لو استعملت ليها منقوع اليانسون والكمون
وهل يجوز ان اغليهم مع بعض ولا لازم كل واحد لحاله
مشكورين يالغوالي
سبحان الله وبحمده سبحان الله العظيم
سويلها ينسون اختي بدون كمون وتقدرين تسويلها شاي ميلوبا للاطفال وايد زين وحاولي تبتعدين عن الاكلات اللي تسوي غازات اذا كنتي ترضعينها وبعد كل رضعه خلي البيبي يطلع الهواء عن طريق تنومينها على كتفج وتربتين خفيف على ظهرها حتى تطلع الغازات
قريت في مجله طبيه ان في بحث في المانيا مسوينه على اليانسون يقلون ما يستوي نعطي للرضع لانه ياثر على الاعصاب والله اعلم
خذي تصايح الاخت مبدعه لانه شي اساسي للتخلص من غازات الطفل
ينسون عادي وما يضر "بس حطي كمية قليلة منه عشان ما يكون مركز "
هلا اختي …اليانسون زين للصغار يطرد الغازات …
طريقه استعماله خذي 3 حبات مش اكثر اغسلينهم وصبي عليهم ماي غليان مقدار ربع كاس صغير غطيه وخليه حتى
يصير دافئ ضيفي عليه قليل جدا من العسل الطبيعي … ان شاء الله الغازات تروح والبيبي يرتاح باذن الله …
ان شاء الله اكون افدتك حبيبتي …
وايد زين لكن لا تغلينه فايته انه اتودنينه في ماي حار لمدة 10 دقايق وعقب اشخليه واعطيها اياه بس من دون العسل لانه مب زين حق الصغار ألي اقل من سنه ها اتحملي لانه هذا كلام الدكاتره والله يعافيها ان شاء الله .