معاناتي اكيد معاناة وايد من البنات …. الوزن بعد الولاده …
كل وحده بعد كل حمل وولاده تكتسب كم كيلو ما يتزحزحون من على قلبها … لو سوت شو ما سوت … رياضه والا ريجيم والا تخفيف …
بنات … وايد اسمع من الخوات الي يقولن انهن ينزلن بس من الرضاعه … انزين كلنا نرضع عيالنا ..بس المشكله دامج ترضعين فانت دايما يوعانه .. يعني تاكلين ضعف اكلج وانت ما ترضعين ..
انزين شو الحل ؟؟؟ يعني شو نسوي عشان ها الكيلووووات الي على قلوبنا تزحزح …
ياليت الخوات العزيزات يشاركون بتجاربهن … والي نزلت وهيه ترضع تقولنا شو سوت عشان ترجع وزنها الجديم …؟؟؟
خلوونا نستفيد من تجارب بعض
واسمحولي
والله ضربتي عالوتر الحساس و ييتي عالعوق
انا مثلكم زايدة 10كيلو ..سرت مركز نيوترشن علشان اخفهم …بس الدكتورة قالتلي حرام اتسوين ريجيم..وماشي فايدة منه لان هرمون الحليب وايد ينفح …ويوم بتخفين من الرضاعة و بنتج تكبر جسمج بخف وايد مع الريجيم..وحذرتني من اي ريجيم و قالتلي اي مركز او دكتور يقولج انه يقدر يساعدني بريجيم معين بكون يقص علي..
وهاي السالفة…وما ادري شو اسوي الحين؟؟؟ انا الصراحة امخففة اكل و اسوي رياضة …
يعني شكله الحل الوحيد لمشكله الوزن انه نرضع من خواطرنا لين يكبرون العيال .. وعقبها نفكر في الريجيم … بس المفروض انه نسوي رياضه عشان صحتنا اولا وعشان نرفع من لياقتنا … ويمكن انه نضعف اذا ما فكرنا انه نضعف 
مع انه مستحيل انه ما نفكر
بنات ممكن سؤال …
انتو تيوعون واايد مثل ما انا ايوع ؟؟؟؟
ومشكورات على التفاعل
لا ن الطفل اساسا يشفط من جسم الام
بس نصيحه مجربه ابعدن عن العيش والخبز الابيض في وقت الرضااااعه وشووووفن الجسم عقب
انا ارضع وبصرااااااااااااحه يوم قطعت العيش ضعفت 5 كيلووو وماصدقت