النمل اشغال يدوية

السلام عليكم ورحمه الله وبركاته
خواتي فيدوني من تجاربكم كيف اتخلص من النمل ساعات ما يكون في البيت ولا نمله
وساعات اقوم من النوم القا البيت مليان مع اني حريصه بكل شي والبيت نظيف
وعاد المصيبه انه مش في اي مكان بس الصاله والمطبخ غرفه النوم ما فيها شي والحمدلله
ولا الحمام عزكم الله
مشـــــــــــــــــــــــــــــــــكورين

انا سمعت إذا حطيتي قشر الخيار صوب بيتهم بيختفون

حبوبة الزنجبيل المطحون واقولج عن تجربة
و اظني الفلفل الاسود المطحون بس ما جربته
و بعد بودرة البف باف البيضاء الي فالسوبرماركت والبقالات

الغالية مالج غير الجل السحري يمباع فالجمعيات شرات الحقنة تحطين منه جم من قطرة فالزوايا ولا بتشوفين نملة ولا غيرها تحوف صوب المكان >>>عن تجربة

انا كانت عندي نفس المشكله .. وخذت دواا لونه اصفر فكني منهن ومن حطيته في البيت وعلى بيوتهن اختفت ولين الحين ما شفتهن ..

وبتلقين في الجمعيه ابره بعد وايد زينه هاي تحطينها على بيوتهن مكتوب انه 6 شهور ما يردن

الغاليه عروس النيل
أنا كنت أعاني من النمل وايد والحين قضيت عليهم والحمدلله جربي ومابتندمين
إذا إنتي بدبي سيري جمعية الإمارات بالطوار او غيرها المهم قسم البيف باف عندهم علبه خضرا شفافه( أظن فيها علبتين ب 22 درهم ) وهي مستطيله طولها 3 إنش ونص وعرضها انشين ونص تقريبا وفيها مثل حبات العيش أي( الرز ) بس بنية اللون وخفيفه وفيها ورقه نايلون شفافة من الفتحة الجانبيه واسحبيها وحطيها قريب من النمل في ثواني بتشوفين النمل بحركة دؤوبه يدخل بالعلبه ويشيل هاي الحبات ويوديها بجحرة او بالفتحات لتخزينها وبتقضي على ملكة النمل والعاملات كلهن وبتخلصين من النمل وكل يومين ثلاثه انقليها مكان تجمع النمل وممكن تحطين العلبه باماكن تجمع النمل اذا خذتي اكثر من وحده في اماكن متفرقه وأظن تنباع بشويترام ايضا وشي من العلب فيهن لزق سائل بس النوع بالحبات افضل واسرع ……..وبالتوفيق وخبرينا بالنتايج

مشكورين حبايبي على الردود