البنت يوم تكون مقبلة على الزواج ،، الكل يبدأ ينصحها،،
سوي جي ، ولبسي هذا ولا تسوين جي، و و و و،،
"هااا لا تخلينه يمشي على راسج"
"لا تخلينه يتحكم فيج"
"راويه انج حرمة ومب ياهل يمشي كلامه عليج…"
ومن هالكلام اللي يسم البدن،، (السموحة على هالجملة)
بس يا أخواتي، الله يهديكم هاي مش نصائح تنصحوبها،،
طاعة الزوج أمر واجب على كل زوجة،،
المفروض يوم وحدة تكون مقبلة على الزواج تقولونها ، ترا ريلج جنتج و نارج ، وطاعة الزوج أمر واجب (دامنه مايكون خارج عن طاعة الله) ولازم تحافظين عليه..
مب تسوونلها غسيل مخ و تظهرون الحياة الزوجية سجن و مأساءة و حزن..
بارك الله فيكم لو بتنصحون،، عطوهم من الكلام الحلو، اللي حثنا عليه دينا
وسلامتكم
ربي يتقبل صيامكم و قيامكم
يزااج الله خير
بس بعد العرووس لو سمعت هالكلام من برع .. المفروض ما تتطبقهـ .. حتى لو من امهآ هالرمسه .. لان مر علي موضوع .. وحده تتدخل امهآ بحياتها ويوم نصحتهآ قالت امايه تبا مصلحتي ! –> اوك تبغي مصلحتج وكل ام تخاف ع بنتهآ بس مش شرط اطبق الي امي تقوله !!! .. خلاص انا مش يآهل .. انا حرمهـ الحين ..
وهاي حياتها الخاصه وتمارس قناعاتها وتحترم ريلهآ قبل كل شي ..
ودامهآ عروس المفروض تكون عارفه انه العرس مش تورته وكيكآت ^^ .. العرس اكبر عن جي ^^
^.^ وايد تفلسفت .. بس المهم توصل الفكرهـ =)
والله يهدي اليميع =)
تسلمين ع هالنصايح
وش رايكم تاخذوون ارقاام البنات المقبلين على الزواج وتنصحوون فيهم
لانهم صدج مفتقرين ومحرومين من هالشي
من نصائح وطرق العنايه والاهتمام
يعني شروايه ههههههههههههههههههههههه
ما رووح بعيدد اتكلم عن نفسي واللي اجوفه في البناات
كل وحده تدور حد يساعدها هني فالمنتدى كانكم خواتنا
الاهل ما يهتموون في البنت وفعيوبها
على بالهم الريل لما يشوف عيوب البنت عادي مثل ماهم يشوفونهااا
تذكروون المثل
القرد في عين امه غزاال
بس منو يفهم الرياييل هالكلاام
الريال مايبا البنت بشعراانها هههههههههههههه
يبي عنايه واهتمام فوق الحب دبل
والااا شووو راايكن
يسلمووووو على الطرح الرائع ^^