اللي اعرفه الغاليه ان فساتين الاعراس يبدون ب 30000 .. و السهره 10000 … شغله ما عليه كلام .. و فساتينه اتجنن … و عنده افكار حلوه …
ودي اقول لج سيري و انتي مغمضة بس ما اقدر …
ليش ….
1- ابدا لا تعطين موعد العرس و لو هو قالج و حن عليج لا تعطينه … لأنه مب قد رمسته .. ف عرس اختي ما طاع يعطينا الفستان و قال انا بييبه روحي الفندق .. و تميينا نتري ليين الساعه 7 و الفستان ما وصل .. اتصلنا و ما رد علينا … و دخلنا الشرطه ف السالفه … و طبعا انتي متخيله حالة العروس و حالتنا …
2- يوم بتسيرين لا تكشخين وايد و لا تلبسين ألماساتج و خلج بسيطه عشان ما يدبل عليج السع .. ( هذا الشي جربناه انا و ربيعاتي و ناس من الاهل و لاحظنا الفرق)
3- لا تعطينه اسمج ويا اسم القبيله خاصة اذا كانت قبيله معروفه لأنه بيدبل عليج السعر 100%
لا تستهيننين فيه تراه لوتي …
نصايح من ناس جربوا و عانوا ويا هالانسان …
عرفتي ليش ؟؟
السموحه الغاليه … و الله ايوفقج
بس إن شاء الله يكونن البنات فادنج