قلت بدال ما رد عليها في موضوعها …بنزل موضوع عنه…
نحنا من زماااااان نفصل عند ريمون…حتى قبل لا ينتقل من أزياء شمس…ويفتح محل بروحه..
ووحده من خالاتي فصلت فستان عرسها عنده..وحرمة خالي بعد فصلت عنده
بصراحة…شغله حلو ((ما بظلمه))..وكم مرة حظرت أعراس وهو مفصل الفساتين..حلو و روووعة بعد..
بس الطاااامة الكبرى كانت
في عرس خالي…
أولا هو معرووف عنه ما يسلمج الفستان فاليوم المطلوب..وكنا نعرف عنه هالشي ..وهاي غلطتنا
ثانيا هو مزاااجي درجة أولى …يعني عجبته فكرتج و قطعتج بيبدع ما عجبته ..الله أعلم..شو بيسوي
ثالثا اذا ما ارتاحلج 100% ما بيبدع فالفستان…و لا بيتفنن..واذا يعرفج و اتسولفين معاه و اتهذربين… بيتفنن و بيطلع فستانج قطعه فنية…(((و هالكلام عن تجربه)))
مرة ما طاع يفصل حق وحدة من الاهل بس لأنه اتنرفز منها…
المهم…
في عرس خالي…
من العيلة اللي فيه…سوى فستان العروس كللللله بالكريستال(حرمة خالي)..(كان حلو) بس بدون شج …يعني شغله كله كريستال..الناس وايد عيبهم و كان حلو عليها..وكانت فكرته حلوة…بس بعد الكريستال ما يتحمل الحركة..ولا يكد وايد ..
فستان العروس سلمنا منه..يعني ظهر حلو عليها و طوفنا سالفة الشغل..
تعالوا حق فساتينا …
تدرون متى استلمناهن ؟؟؟؟ يووووم العرس ……بعد المغرب…..واللي قياسه خايس تتحمل و اللي مب عاجبنها شي فالموديل تتحمل…
وحدة من خالاتي ركبلها ورد صناعي يلوووع بالجبد والحمدلله انه موديلها يعتمد عالدانتيل المشغول…استغربنا منه (((ريمون على كل عيوبه..له نظرة)))
ما أدري شو ياه…قامت خالتي و جلعت الورد كله..قبل العرس بيومين …وخبرته يخليه بس بالدانتيل ورجعته عليه عشان يعدله (((وهي مع ثنتين منا استلمن الفستان قبل العرس بيوم يمكن ..مش متاكدة)))
أما الباقي ((انا وثلاث من خالاتي مع أمي )) استلمناه يوووم العرس المغرب…
والله يا بنات ما أبالغ..اني رحت المشغل ماله((وهو في مكان غير عن مكتبه)) وانجبرت أقايس الفستان الظهر في مطبخ المشغل (بتسريحتي)..والصدر كان وااايد وسيع عليه..وقلت له يعدله ..وحزام الفستان سواه وايد عريض جنه شغل خياط..وطلبت منه يصغره …(((في يووووم العرس)))
ويوم استلمت الفستان المغرب..كان الصدر بعده وسيع و الخصر بعد مش مشدود أبدا بس قلت خلاص ما فيه فايدة ..لبسته بعيوبه..
عالعموم
تعبنا وااايد من كثر ما نلحقه وانحن عليه عشان يخلص الفساتين …(((والله كم جذب علينا كل يوم كان يقول باجر و انيي و لا نستلم ولا فستان)))…
فستاني كان يقول باقي شوي و بيخلص ((هذا الكلام قبل العرس بكم يوم))
ويوم العرس الصبح امي راحت له فستاني بعده يفصلونه عالمانيكان و الحزام بعده يشجه ((يشتغل عالشك))… يعني طوول الاسبوع كان يقص عليه…
في النهاية و النتيجة…
في كم فستان رووووعة سواهم..((( بعد معاناه و حنه و ذل) و الشكل العام كا ن حلو..
يعني محد من الناس لاحظ أي عيب ..وكل هم مدحوا الألوان و الموديلات…وفستان أمي سواه غريب لا هو فستان و لا هو جلابيه…والكل عجبته الفكره
باختصار… اللي تقدر تتحمل التأخير..تفصل عنده…انتي و حظج ..مع ريمون ما في شي مضمون <<<< خخخ دعايا…
اغلب المصممين جي مزاجيين.. بس تصاميمة وايد تعيبني و سعرها فيها
المشاركة الأصلية كتبت بواسطة الدهيميه 
هههه..المشكلة عرس أختي قريب ..وفي خاطري موديل مبتكر..ومحد بيفهمني غير ريمون..
قلت حق امي بفصل عنده…خخخ ..زين ما حصلت فلعه ولا طراق…كلهم اتادبوا من آخر عرس…
المشاركة الأصلية كتبت بواسطة Maria_Louisa اغلب المصممين جي مزاجيين.. بس تصاميمة وايد تعيبني و سعرها فيها
هو يوم يبدع محد يروم له…بس أغلب الاحيان يضغط عمره..ويخبص الدنيا..
وعمرررررره ما سلم الفستان فالوقت المحدد
شايفين عمارهم على شوه مادري
المشاركة الأصلية كتبت بواسطة LOZAN شايفين عمارهم على شوه مادري
هههه…شكلي رفعت ضغطج من غير قصد…
سوووري خيتو..
بس مرة اتعاملنا مع مصممة لبنانية هي و ريلها يصممون..
بصراحة تعاملها رووووعة…
حتى يوم اتييبلها شخص زيادة ..اتقولج بصراحة اذا هي تقدر تصممله او لا..
مش مثل بعض المصممين… ياخذون عدد كبير وعقب نحنا اللي نتوهق…
الزيارات 76
والردود…..5 بس !!!!!!!!!!!!