بسم الله الرحمن الرحيم
هلا خواتي .. موضوعي اليوم وااااايد يهمني من كثر ما اسمع عن التجارب والثقة من قبل الجميع لهذا المنتج وهو كلارنس المعروف للكل ^^
ونا وااايد في بالي اعرف اشياء عنه عن الكريمات بالذات وليس العطور والمكياج
فاتمنى اللي مجربة كريماتهم اي كريم مب مشكلة سواء للتفتيح للتشققات او حماية من الشمس او ابعاد الخطوط والتجاعيد من عمر 25 وفوق .. ياليت بالصور واااايد افضل وكتابه اسمه وكيف طريقتج بالاستخدام والمدة وشو النتيجة النهائية
اتريا الردود والصور واتمنى ما يكون الموضوع بس كلام وتجارب بدون صور عالاقل اسم الكريم والطريقة بالاستخدام وشيلي الصورة من النت بتحصلينه مجرد انج ادخلين الاسم في الجوجل وجذه اتفيدوني واتفيدون الكل وكل الشكر والاحترام للجميع طبعا وبالذات من رفع الموضوع وشارك بالاجتهاد وبالصور المدعمة تسهيلا للجميع ومشكورين خواتي
وتوكلنا على الله ونشوف الصفحات المفيدة للجميع
بارك الله فيكم ^^
ومن سنيييييييييين أمي على هالماركه
وعنده مجموعه للبشره الشابه من 25 وفوق وأنا الصراحه أنصح فيها لأنه كلارنس و كلينك ماراكات معروفه وطبيه
ماعندي صور حاليا بحاول أحطهن عقب
1- استخدمت غسول الويه ,, ريحته اتلوع الجبد ,, بس مفعوله حلو ,, مايجفف البشره ,, بس اي غسول للويه من كارفور بيعطيج نفس النتيجه يعني مب تدفعين فوق 100 درهم عشان الغسول ..
2- تونر بالبابونج ,, هذا حلوو بعد ,, بس مب واااو !! وسعره احيد 100 درهم ..
3- كريم مرطب للويه وفيه عامل حمايه من الشمس 15 spf هذااا روووووووووووووعه ,, مب عشان تأثيره على بشرتي !! لا ,, انا استخدمه يوم ابا احط ميكب وايد يحلي الفاونديشن ويخليه يزلق على ويهج روووعه !! بدون هالمرطب الميكب يكون باهت علي !! عشان جيه لو خلص اللي عندي اكييييييد بشتريه مره ثانيه ,, اسمه المرطب هايدرا قانش لوشن .. علبته اسطوانيه ولونها بحري ,, سعره تقريبا 250 درهم ..
4- كريم العيون ,, بايخ الصراحه ماله اي تأثير .. وسعره 170 درهم .
5- خذت من عندهم نظام مركز للتبيض ,, عباره عن انبولات نستخدمها لمده 3 اسابيع اونها اتبيض واتصفي الويه واتوحد لونه .. سعره كان ب 600 درهم !!!!!!! والنتيجه سخيييييييييييييييييييفه لاتخلون حد يقص عليكم وتشترونه ..
6- سيروم معالج للمسامات ,, واااااااااااايد حلوووو ,, وعندهم بعد زيت للويه يعالج المسامات المفتوحه هذا بعد وايد اوكيه ,, بس مجرد ماتوقفين استخدامهم اترد المسامات مثل قبل خخخخ .. انا كنت استخدم السيروم ك بيس للمكياج ولاحظت انه يصغر المسامات ,, بس الحينه ماستخدمه والمسامات ردت مثل الاول .. احيد خذت السيروم مع الزيت تقريبا 300 درهم .. مب متأكده من السعر ..
7- زيت للشد الجسم .. امممم هو حلو ,, يوم احطه احس بحراره يعني المنتج بدا يسوي مفعوله ,, بس مالاحظت فرق وايد يعني !! الزيت كان 200 وشي ..
8- كريم لشد الجسم .. هذا وااايد عادي !!!! سعره احيد اممم 200 وشي !!
9- كريم حمايه من الشمس spf 40 واااااااااااااااااايد رووووووووووووووعه ,,, هذا لو احطه بروحه بس وينور ويهي وااايد عيبني ,, ماعرف سعره .. بس عطوني 3 علب تسترات منه وعيبني حييييييل ..
10 – غسول ومقشر للويه بالبرتقال .. حلو ,, بس عادي يعني مايستاهل سعره !!
هذا تجربتي لهالماركه من سنتين تقريبا .. وتقييمي لهالماركه .. جيد .. بس يمكن مفعولها يكون احسن للي اعمارهم فوق ال 25 !!
التونر مال الويه
الماسك
حلوين ما فيهم شي
ويرفع للبقية وحماس اكثر ان شاء الله مدعمة بالصور
اب
اب