هذي اول مشاركة لي بقسم الطبخ.. انشالله تحوز على اعجابكم
اقدم لكم طبق المتبل بالطريقة اللي انا احبها..
المقادير
باذنجان
روب
طحينة
ثوم
ملح
عصير ليمون
اول شي نغسل الباذنجان ونلفه بقصدير وندخله الفرن تقريبا ساعة .. او يوم تتاكدون ان استوى .. نطلعه ونفتح القصدير ونشيل القشرة الخارجية
نقطعه ونخليه يبرد شوي
نحط بالخلاطة عصير ليمون الثوم بعد ما نقطعه نصين ونشغل الخلاط لين ينهرس الثوم
نضيف الروب والطحينة والملح ونخلط .. اخر خطوة نضيف الباذنجان ونخلط شوي ونوقف .. ما نشغل عليه الخلاط وايد عشان ما ينهرس حبوب الباذنجان
واهني شكله النهائي .. ما لحقت ازينه عدل كنت مستعيله ..
اتمنى تجربونه
العافيه
أخر متبل ذقته .. كان لذيذ واااايد وعيبنا
هني وعافيه
وتسلم ايدج حبوبه ^^
