الماي اللي تطلع قبل الحليب من صدر الأم هل مضرة؟

السلام عليكم أخواتي
أبغي أعرف يوم تمر كمن ساعة ما أرضع بنتي أو أشفط حليب من صدري وأحس صدري يعورني شوي هل الماي اللي تطلع في البداية مضرة ألها و لازم أطلعها وأعقها؟
سالت دكتورة أطفال في الوصل قالت لي أنه هالماي عبارة عن ماي + كليكوزوأنها مب مضرة بس تسبب غازات. و فيه حريم أعرفهن يعقن هالماي يقولن مضرة فشو رايكن أرجو تفيدوني .

اللي اعرفه انه هذا الماي يغني عن شرب الماي للرضيع..
ومااتوقع له ضرر والله اعلم

ما يضر الغالية
أصلا لو تلاحظين داااااايما الحليب اللي يطلع في البداية خفيف مثل الماي
سواء كان صارلج مده ما رضعتي أو لأ
وصح كلام الدكتورة اللي يطلع في البداية يكون فيه جلوكوز عشان يكون طعمه حلو ويستسيغة الياهل ويتحمس للرضاعة
واللي يطلع في الآخر هو اللي يكون فيد الدسم ويشبع ويكون فيه انزيمات تساعد على الهضم
يعني اذا البيبي شرب الماي الخفيف بس وما شرب كاااااامل لحد ما تحسين ان صدرج فضى ما بيقدر يهضم و بيصير له غازات مثل ما قالت الدكتورة

لا اكيييد مب مضررررر
يعني رب العالمين بيسوي شر يضر اليااهل؟؟؟؟
مستحيل..

الاول ماي يروي عطش الطفل
وعقب يطلع حليب ثقيل يشبع الطفل
وعشان جي في المستشفى دايما يقولون لا تعطون الاطفال الرضع ماي لان في حليب الام ماي

يزاكن الله خير حبيباتي