السلام عليكم ورحمه الله وبركاته
ياااا حريم إن شاء الله بروح العمره جريب بس المشكله خخ 
اذا كانت مشكله … أن بودي بنتي وياي عمرها سنه و4 شهور تقريبا … يعني هي عادي ماتصيح بس شيطانه تحب تتفرفر منه ومنه ( فرفوره ) يعني ماتقر فمكان واحد … (الله يحقظها ) وأنا بقعد إن شاء الله 10 أيام هنا وما بكون بروحي أهلنا ويانا بس أنا اللي أكيد بجابلها …
مادري شو تنصحوني .. ؟؟ أوديها ولا لا … ؟؟
إذا وديتها شو الإحتياطات االازمه ؟؟؟
وهذه أول مره أسير فيها العمره ..
انا ما ابا اروعج بس اذا كنتي تقدرين تخلينها يكون افضل لانه كنت اشوف الصغارية وايد يضيعون هناك وقلبي يتقطع عليهم
واذاخذتيها اشتريلج ها الحزام ما اليهال واربطيها عندج ولا تخلينها ولا لحظة و لا اتمنين لاي حد تخلينها عندهم دوم وياج ما تفارقج
و الله يحفظلج بنتج و يحفظكم و تسيرون و ترجعون بالسلامة
لا تنسينا من الدعاء
وعادي يوم الصفا والمروه .. خليت عيالي الكبار ييلسون وخليتها هي عندهم .. عقب يوم يا دورهم خليتها عندي وهم ساروا السعي ..
يعني كنا انسوي شفتاات
هو صح لعوزه .. بس ما اروووم ع فراااقها << اخر العنقود لاازم ^.^
واختيه الصغيرة بنت 4 سنين كنا نخليها فالسكن موول ما شلينها إلا فالبداية اول ما وصلنا عمرنا وبعدها خليناها فالسكن ويا الصغاريه او اي حد من الكبار .. لين أخر يوم ..
..
واذا عندج حد تأمنين فيه فالبلاد تخلينها عنده بعد شي طيب..~
وعمرة مقبوولة يارب..والله يسعدج..~
تروحين وتردين بالسلامة..~
والحمد لله ما لعوزتني بس شوي في الطواف والسعي تعبتني عشلن ما كانت تبي ابوها يشلها بس تباني أنا والحمد لله تمت العمرة على خير وخذتلها الحزام مال اليهال وربطها به بتحصلينة في الصيدليات في مكة
واااااااااااااايد بيريح الغالية وعمرة موفقة
ولاتنسين تاخذين العربة بتنفعج وااااااااايد صح مايدخلونها الحرم بس مفيدة خليها برع ولما تطلعين من الحرم خذيها فيها عشان ما تتعبج برع يوم تمشون من الفندق والأسوق
وعمره مقبوله إن شاء الله ، ولاتنسينا من الدعاء