الليييييزر :( مشاكل السمنة

،

،

السلام عليكم

شحالكم

الغاليات بغيت اتخبركن عن جلسات الليزر في العين ناويه اسوي للمنطقه الحساسه واندر ارمز ( الابط) و الشنب

شو احسن عياده ف العين لليزر

وكم تقريبا اسعار كل جلسه منهم وكم جلسه احتاج

بليييز اتريا خبراتكم

لو تبين في دبي كان خبرتج عن تجربه ربيعتي وان شاء الله بسوي مثلها

بس في العين والله مدري يا الغاليه

ان شاء الله البنات مب مقصرات وياج

مشكوره فديتج اتريا ردهن

ابي جهاز بس غالي شوي

الغالية انا أسوي في المركز الطبي التجميلي العالمى في الجيمي – مقابل روضة الجيمي

بصراحة الجهاز حديث وايد حلو والنتايج رائعه بالنسبة لي أنا صار لي أكثر من 8 سنين أسوى ليزر وللامانة بالنسبة لي أحسن جهاز جربته

النتايج حلوة وما يألم وسريع ..

هم عندهم عروض أنا خذت العرض قبل ست شهور ( فل بدي) بدون الظهر والبطن ب 1700

حاليا ( فل بدي) بدون الظهر والبطن ب 2500

بالنسبة لي السعر أرخص تقريبا نص السعر كنت اسويه في بوظبي ب 5000 والنتايج روعة ..

يمدحووون مركز كوزمسيرج

السلام عليكم،

آنا جربت كل عيادة ليزر في العين من كوزمو سيرج لين الاروبي وعيادة نسيت اسمها، الحين رسيت على عيادة يديدة اسمها رويال سيرج عدال ماكس مارا و مجابل الزعفرانه..

ارتحتلها العيادة واسعارهم جدا جدا جدا معقولة.. انا من زمان مسوية ليزر للوجه والابط والمنطقة الحساسة في العيادات السابقة استفدت وايد وشعر خف بطريقه خياليه، الا الوجه طبعا لاني وقفت ورديت اسوي وشليت خيط.. يعني خبصب.. المهم رديت اسوي عند رويال سيرج والحمدالله ماشي تمام الموضوع وهالمرة لازم التزم..

عندهم عروض حلوه لليزر، خذت عرض مسوينة ٢١٠٠ درهم ٦ جلسات مع اعادة يعني ١٢ جلسه!! متخيلة؟؟ للوجه و الابط والمنطقة الحساسة… بس هالعرض حق اللي يشتغلون في الشرطة وجيه.. وخذته ع اساس اخويه يشتغل هناك..

دقيلهم قبل لا يخلص رمضان عندهم عروض بعد

Good luck!