صباح الخير للكل …
خواتي الغاليات أبغي مشورتكن و رأيكن فهالموضوع ……
عرسنا إن شاء الله عقب 5 أسابيع والكوشه رافعه ضغطي مليوووون .؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!! المهم العرس بيكون في قاعة منتجع الدانات (الأنتركونتننتال سابقاً) فالعين . طبعاً إلي زار القاعة بيعرفها … لون القاعة تركوازي غامق وياه خشب بني لافاتح ولاغامق درجة متوسطة بين اللونين وفراش أرضية الصالة تركواز بعد وإضائتها صفراء باهته ومخلية المكان مظلم وضيق ..{بتسألون شو حادنكم على هذا كله ؟؟؟} طبعاً المعرس مستعيل وما لقينا حجز غير هنيه … بس بنتجاوز سالفة الإضاءة وبنيب إضاءة إضافية ,هذا إضافة إلى إن معزيمنا عددهم كبير {طبعاً الوالده فشله أعز هدا وما أعزم هذا ؟؟!!}…!!! وين المشكلة ؟؟؟؟!!!
المشكلة تكمن فالكوشه إلي بتينني ؟؟؟
مبدأياً اخترت كوشه فيها حركة الكرستالات النازلة والورد الطبيعي وفالكوشة خلفية فيها إضاءات من النجوم ولازم تكون الخلفية غامقة عشان تبين ؟؟!! والممر بيكون من الزجاج وفيه حركة من لون الخلفية بين طبقتين من الزجاج تعطي شكل حلو لما تنعكس عليها الإضاءة . اخترت الخلفية سوداء والورد لون الأوف وايت وبيدخلون اللون السلفر فالكوشة ويا الكرستالات .. أما زينة السنتر بيس فبيكون ربطات الكراسي سلفر وطبعاً الطاولات والكراسي ملبسة أوف وايت وفنص الطاولة مفرش ممكن أسود أو فضي وسطه كأس زجاجي من تحت ضعيف ومن فوق عريض والورد فيه أوف وايت.
عاد الحين أبا رايكم فاللون تتوقعون بيكون حلو ؟؟؟ وبعدين بيعطي وسع للمكان وإلا لا؟ وبيكون أوفر وإلا أوكيه ؟ وشو الألوان إلي ممكن تكسر اللون التركوازي وفنفس الوقت تكون حلوه وبسيطة ؟؟؟
لا تبخلوون علي بردودكم ورأيكم ؟؟!!!!!!
أترياكم!!!!!!!!!؟؟؟؟؟؟؟؟؟؟؟؟؟
وحسيت الكوشه والثيم حلو
وبشكل عام معروف ان الالوان الفاتحه تعطي وسع للمكان والمرايا بعد تعطي بعد ووسع للمكان
وين الباقين لين الحين رجود ……؟؟؟؟؟؟؟؟؟؟؟؟؟؟؟؟؟
وعوا الباقين من الرجاد نبى رايهم……..
التركواز السلفر حلو وياه ..الوردي الفاتح..الاسود
احس الالوان اللي اخترتيها حلوة ..بس دام خليتي الاستيج والممر بالاسود خلي مفرش الطاولة سلفر عشان تفتحين المكان