طبعا القهوة متوفرة بأغلب البيوت,,,
وتتعدد نكهاته..
قهوة عربية او قهوة شعير او قهوة التمر ولا القهوة السودة او بنكهات من التوابل((قرفة وهيل او مسمار,,,وغيره من خلطات
حسب كل دولة وعاداتهم,,
انا احب اسوي قهوة بالهيل فقط…وحزة الطبخ ممكن اضيف زعفران وماي ورد بالدلة….
وعندي مقدار ثابت…
كوب بن سيلاني
3ارباع كوب هيل اخضر حبة كبيرة,,ممكن تقللون الى نص كوب حسب الرغبة,,
وبالصووور…وبالخطوات السريعة
طبعا نحمس القهوة,,,ممكن بالفرن او في مقلاة طبعا من دون زيت…تحمسينه لي يشقر لونه,,وتوصلين لي اللون البني او حسب ما تحبين,,افتح او اغمج ..
تخلينه على جنب …يبرد تماما…واطحنيه..مع الهيل….عقب حطيه بعلبة زجاجية بالفريزر او الثلاجة,,تدوووم لج الريحة
وماشاءالله الريحة شالة المطبخ
وصارت عندج قهوة عربية لذيذة
ومعيار الدلة ملعقتين كبار وشوية زعفران وماي ورد حسب الرغبة وعوافي..
وهذي صورة القهوة من النت …للجميع
وبحب شرب القهوة وما بستغني عنها ابدا خصوصا عند الصباح
مشكورة على الموضوع
بس ودي اجرب قهوة خواتنا بلاد الشام خاصا قهوة سوريه بس ما اعرف وين احصله وحتى لو حصلت ما اعرف اسويه لو في حد من خواتنا ف المنتدى تبيع قهوة سوريه فارجوكم لا تبخلو عليي
