القرية العالمية 2024 – 2024 بعدسة ^الدماني^ – الجزء الثاني في الامارات

كلّه منج انتي يا أم ضحكة شريرة
يا اللي فجـّـرتي ثورة في قسم السياحة !
وخليتيني أتراجع عن "دستوري المكبـّـل"
أنتفض وأهب للاستجابة لمطالب الشعب

————————————————

الكونغو ؟!!!

ختيه أظني انتي خذتي لفـّـه غلط !
دخلتي القرية الأفريقية بدال البرازيلية

هيه صح ! سيري سيده إمرّه لين توصلين الصالونات !

انتي متأكدة انه هاي ترجمة غوغل ؟!
شكلها ترجمة راجو راعي الدكان !

ما أكلمه !! خرّب قصيدني المفضـّـلة

————————————————–

يا ختيه شو أسوي ؟
تراه مشاعري خيخة سريعة التأثــّـر بالاستفزاز وينقص عليّه بسهولة

وللامة العربية بعد

عندج إياها !
بس لا تنسين عمولتي

لو سمحتي أنا عيوني أحلى من جذيه

حتى مرّه تغنــّـوا فيّه باللبناني وقالوا :

"عليها أجمل جوز عيون من أجمل ما يكون
يا هيك تكون الستات يا عمرها ما تكون"

ولا يهمج

عيّرتني بالشيب وهو وقار
ليتها عيّرت بما هو عارُ

و"سقافة" عـُـليا كمان

رمش القصيد
من زمان ما دخلتي مواضيعي

وأنا بعد أرد عليج وأقول لج :

هلا باللي له الخافق يهلـّي *** من الفرحه وروحي به تهلـّـي
اذا شفته ولو بالنفس ضيقه *** تفرّج كل همي واضمحلي

(كلمات الأمير عبدالله الفيصل)

ونبدأ التقرير الثاني بالرد على سؤالين :

القرية فاتحة لييييييين 30 مارس 2024

وهذا موقع القرية العالمية الرسمي
https://www.globalvillage.ae/

تابعوه باستمرار لمعرفة الجديد كل يوم !

استئجار الـ Cuddly Cart :
10 دراهم / الساعة
واللي لهم سيتين يعني twin سعرهم 15 درهم / الساعة

وطبعا ترومون تستأجرون الـ Shopping Cart عند المداخل بعد

في البداية أبغي أقولكم شي :

لا تعتبرون القرية مجرد حدث روتيني يستوي كل سنة !
لأنكم بتفتقدون متعة انتظارها

جربي كل مرة تسيرين ويا حد مختلف

مرة ويا العيال
مرة ويا بعلولج
مرة ويا أهلج
ومرة ويا رباعتج

عيشي كل لحظة … لأنه اللحظة الحلوة ما تتكرر

واذا تكررت .. تراها تختلف في تفاصيلها !

من الأشيا اللي بتساعدج على تذكر هالأيام الحلوة هي :

^
^
^
^
^
^
^
^
^
^
^
^
^
^
^
^
^

توثيق اللحظة

بتلقون أكشاك استديو Z klik في أكثر من مكان !

واحد في منطقة الالعاب

وكشك ثاني مجابل البحيرة باتجاه القرية المصرية

الصور فورية !

تقدرين انتي ورباعتج
أو انتي وبعلولج وعيالج
تدخلون وتصورون صور مجنونة مع بعض

وفي نفس اللحظة المصوّر يضيف تأثيرات للصورة مثل قرون ، ثلج ، برج أيفيل ، طيارة الخ
للصورة وانتوا تصورون بطريقة فكاهية

لكم خيار بين 8 صور تختارون منها 4
لكن اذا حبيتوا تاخذون الـ 8 بيكون السعر 200 درهم

ولا تنسون تكتبون على الصورة : القرية العالمية 2024 (للذكرى)

واللي تجرّب الاستديو تخبرنا عن تجربتها !

عن نفسي استمتعت وايد ويا العيال !

والحين بأسير وياكم ……

^
^
^
^
^
^
^
^
^
^
^
^
^
^
^
*** القرية النمساوية ***

الشي الغريب في الموضوع انهم مخصصين المسرح اللي على بوابتها لفرقة تراثية عمانية
مع خلفية لجبال الألب !!

عندهم عسل هونيغ ( تحيدونه مال الطفولة ؟ )

و pretzel

وانواع عديدة من المقرمشات …

… النمساوية

وبسكوت بنكهات

أغلب المنتجات يدوية الصنع مثل …

شباصات الشعر

الزي الوطني النمساوي للأطفال

الأساور المصنوعة من أحجار

الشموع

قطع الديكور

والأساور الصنوعة من السيراميك

بالإضافة الى السلاسل

بديزانات حلوة

وأساور المرساة

وبعد على شكل سلاسل جلد

لمحبات المنتجات الطبيعية ….

صابون النكهات

مثل …

الليمون

القرفة

خشب الصندل

زهرة الليلك

وزهرة القش

وزهرة Forget-me-not

وفي قسم الهدايا …

بتلقون فوط يد على شكل ورود

ملح الحمام

بتغليفات متعددة

وأحجام

صابون القلوب ماركة : "يا معلــّــق بحبل الحب"

شفت الليفة الكبيرة يا واد يا مزيكا ؟

"نخلة! بييجوا شايلينها اتنين ! "

بس بابا سنفور ما أدري شو دخله في الموضوع بالضبط ؟!!!

علب هدايا متنوعة وكلها شغل يدوي عشان جذيه أسعارهم أغلى من باقي القرى !

مثل طقم الفوط المطرزة

وبديزاينات

والسوفت تويز المصنوعين يدويا

دموع التماسيح

اقلام اقلام يا بدلته *** آخر تمام في هيئته

شنط

وتيشيرتات وايد كيوت للأطفال

عيبني هالآيباد كفر … مااااااااااااااااااء (45 درهم)

منتجات خشب شجرة الزيتون

لأدوات المطبخ وللديكور وللاكسسوارات

قاعدة لأعواد معدنية (حق اللقيمات )

لوح تقطيع ماركة :

" إن غاب القط ……

… استسلم يا فار !"

شخصيات الإنمي اللي البنات يحبونهم

أقلام براتز

بقية التقرير في الصفحة التالية