خواتي خاطري اعرف كيف تتعاملين مع ريلج اذا شي فرق بينه وبينج
بالطول او الجسم يعني ..
مثلا لو كنت طويلة وريلج اقصر عنج أو انت متينة وريلج ضعيف والعكس
منو منكن سمعت تعليقات ضايقتها
من اهلها او اهل ريلها او ريلها نفسه ..
اشوف وايد رياييل عمالقة وحريهم قصااار اللي يشوفهم يقول هاي بنته مب مرته
فاليت لو كل وحده تخبرنا جم طولها وطول ريلها 
او منو متينة وريلها ضعيف والعكس
+
شو الحل ببعض التعليقات يعني لو اهلج او اهل ريلج علقوا عليج انج متينة او قصيرة
شو بيكون ردج عليهم 
ان شاء الله تكونوا فهمتوا المعنى من موضوعي والسموحة وياليت نشوف تفاعل يمكن يكون فيه رد
ترد ثقة وحده تفكر في هالشي وماثر على حياتها فلا تبخوا علينا 
خطبها واحد ما اقدر اقو عنه غير انه مو جذاب
وهي بروحها خبرتنا ان بنات اهلها قالولها لا تاخذينه
لانه متين وقصير وووووو
وهي ما شاء الله عليها مو قاصرنها شي واقدر اقول عنها جميلة
ولكن وعقب كم سنة من الزواج وهي بنفسها تخبرني
ان البنات اللي كانوا يحرضونها انها ترفضه
صاروا يحسدونها عى راحتها واستقرارها وسعادتها ويا ريلها
لانه ريال والنعم فيه ومدلعنها اخر دلع تبارك الرحمن
وانا عني لو مكانج يا راعية الموضوع
كنت قلتلهم لوووووووو سمحتوا ماارضى باي كلمة فيها تعليق جارح عن ريلي
وللعلم مرات تصير ان الاهل يعلقون تعليقات يمكن ما تكون من ناحية الشكل ولكن في اشيا ثانية
وانا على طول اسكر باب الحوار
واقوللهم هالموضوع مافيه مزح عندي
ومو مستعدة ريلي يسمع هالرمسة ويزعل
اذا اعتمدنا الشكل ف حياتنا عمرنا ما بنسوي شي الواحد بأخلاقه ودينه مب ب قصره وضعفه ولا العكس، يكفي انها ف النهايه هي مسأله نصيب وتعليقات الناس خليها في هامش حياتج 
و بعدين حتى لو قالوا شي عنا انا أش عليي منهم اهم شي ريلي و ما يهمني تعليقاتهم
يقولون لين يسدهم وش علينا منهم ما عندهم سالفة ما يرمسون الا من الحسد الي بيقطع صدورهم ما تلقين انسان فيه خير يرمس بالناس ويعلق على فلانه وريل علانه
ماتطلع هالرمسه الا من الحسودات الحقودات الي افضل شي نسويه انطنشهن على شان يقطع الحسد مصارينهن
والواحد يرضى بنصيبه دامه مرتاح . .
في وحدة من ربيعاتي .. ملجت على ريلها وماعيبها .. وماكانت راضية عن شكله
والحين متزوجة بس ماشاء الله مستانسة وااايد ومرتاحة وتحبه مووت