الغذية المناسبة لاطفالي

السلام عليم ورحمة الله وبركاتة
اخواتي ……………شحالكن

أنا عندي طفلين ولد عمره 4سنوات وبنت عمرها 2 وضعاف واسوتلهم تحليل دم والحمدلله ما فيهم شيء , والمشكلة إنهم ما يكلون اكل منوع غير الارز مع روب طبعا مع اكل الدكان . برايكن شو الحل من مشان نوعون في الاكل
شكرا على تعاونكن…..

اختي اشكيتي لي ابكيت لج………نفس الحال……لا تنفع مشهيات ولا فيتامينات…هم طبيعتهم تشيه…الله يعافيهم ويعطيهم الصحة والعافية…………

نفس الحاله … و الله ما تم شي ما سويته حق ولدي .. و الكل قالي يوم بيوصل عمره 10 سنوات طبيعته بتتغير و بيبدا ياكل ….
بعد انا ولدي ما ياكل العيش موول … اعتماده عالاشيا اللي فيها كاكاو .. مثل كورن فليكس كوكو بوبس … و الحليب اللي معاه نسكويك … و حق المدرسه سندويش نوتيلا … بس بعد مافي فايده .. و الله كل ما اسبحه يغمضني … احس انه بيتكسر في ايدي من الضعف …

خواتي خالتي اعيالها كانوا ضعاف كانوا ياكلون وجبات خفيفه ومع أكل الدكان وسوت لهم طريقه مافي أكل من الدكان الا مرتين في الاسبوع ولله تعبت معهم الانهم متعودين على أكل الدكان بس تغيروا 180 درجه صاروا متعافين مشاااااااااااء لله

مااعود عيالي على اكل الدكان … سوولهم اكل الي يحبوه في البيت

بنات من تجربتي …..اليهال يحبون الاكل الي يمسكونه بايدهم واشكاله حلوه وجذابه بعد
جربوا وادعوا لي

سويلهم بيتزا دوائر صغيره بالدجاج ا و اللحم
كفته لحم اصابع
قطع دجاج مشوي او مقلي
معكرونه حجم كبير يقدرون يمسكونها بايدهم
وطبعا حبييب الكل الشيبس
فطاير بالجبن

لو تلاحظون كل ها يروومون يمسكونه بايدهم وياكلونه ارواحهم
وادعو لي