اشحالكم خواتي ؟؟
الغاليات حبيت تساعدوني و تجاوبون على اسالتي عشان استفيد من خبراتكم ,,,
لانه الصراحه خبرتي قليله بهالشي ,,,, و ياليت احصل الحلول عندكم و اكون شاكره الكمــ
1 . عندي ملحق فبيت اهل ريلي و ارضيتنا كلها سيراميك و من ابخر البيت و اعطره الريحه ما تمسك وايد و كلها ساعه او ساعتين اطير الريحه جني ما سويت شي !!
كيف اقدر اثبت ريحة البخور و العطور في البيت و ع الستاير و الغنفات و الحمامات و اتم 24 ساعه ؟؟
2 . كيف اقدر اثبت ريحة البخور بملابسي و ملابس ريلي و انا استخدم من البخور الغاوي مب العادي ؟؟؟
انا عن نفسي من اروح المناسبات و اسلم ع البنات و الحريم ريحتهم رووووووووعه و بخورهم غاوي و لاصقه فثيابهم … ابا اعرف شو السر بهالشي تثبيت ريحة البخور بالثياب !!!!!
3 . انا سمعت من نكوي الملابس نرش عليهم كنفورت مخفف بالماي و تلصق الريحه
بس تعرفون كنادير الرياييل فاتحه هل يبقع عليها و الا عادي يخوز عنه و نفس الشي بالنسبه لبعض عطور البخاخ ؟؟؟؟؟؟
4 . سمعت فيه ماكينه لتنظيف الثياب بالبخار و بنفس الوقت تكوي الملابس ؟
ابا اعرف من وين احصلها ؟؟؟
5 . كيف اقدر اخلي ريحة الكبت روووعه 24 ساعهـ ….؟؟
6 . اهم شي عند ريلي كيف اثبت ريحة البخور و العطور في السيارهـ ؟؟
7 . كيف اقدر احافظ على نظافة المرحاض و اخليه يلمع 24 ساعهــ و نفس الشي للمناظر سوى كان في البيبان او الحمامات ؟؟
ان شاء الله اسالتي تكون خفيفه عليكم و السموحه …
(: يا حليلج وااااايد مهتمه بالريحة وانا بجاوبج ع السريع بالنسبة للريحة في الكبت اشتري اكياس معطرة خاصة بالكباته وبتحصلينها في لايف ستايل ,,,وعلشان الدخون ريحته تثبت جربي تبخريهم وهم في الكبت وسكريه بتم الريحة ثابته بس لا تنسين المبخرة في الكبت انا احذرج بعدين لا سمح الله تحترقون ^^وفيه طور بتحصليها على ما أضن عند الرصاصي خاصة للكباته والغرف وريحتهن حلوة وتم ،،، وبالنسبة للسياره فيه أشياء وايد متوفره في الجمعيات خاصه لهذا الغرض بس تحطينهم عند التكييف ،،،واذا تبين ريحة البيت دوم حلوة استخدمي عطور المنزل والأثاث وهيه متوفرة في محلات العطور وبعدة روائح
وهذا اللي عندي وان شاء البنات بعد يفيدونا أكثر
وبالنسبة للبيت رشي عطر الفراش ودخني بتثبت الريحة اكثر
والحمامات اغسليهم يوميا وحطي فيهم معطر الجو اللي يثبت ع اليدار
والستاير ارش عليهم معطرات الغرف…والحمام بعد ماغسله احط المدخن…اتم الريحه يومين والله؟؟واكيد لاتنسين تاخذين جهاز ايرويك البخاخ مب الزيتي
س2….عطري كل قطعة تبينها من عطورج او عطور ريلج وياليت من عطور عربية….عقب حطي المدخن في الكبت…اول شي حطي عووووود….طبعا راقبي الوضع كل شوي….عقب حطي شوي من الدخون اللي عندج^.^
واتركيه ليما تحسين الدخنة ظهرت من باب الكبت…طلعي المدخن خلاااااااااااص
وخلي الثياب فيه ساعة او اكثر….واتهني بالريحه عقب
س3….اختي وبيت بابي يرشون ثياب الرياييل بمرش فيه ماء وكومفورت عادي….بس مخفف يكوووون
س4…..اذكر وحدة من الأهل خذته من محلات اجهزة كهربائية,,,,سعره من 400 وطالع النوعية الزينة^.^ هي تكوي لج الثياب بكل سهولة من ثياب بيت او كنادير رياييل او العباة والشيل والفساتين يعني ماتبين دوبي
س5…نفس طريقة س2……وعندج بعد اكياس زوم توزعينها بالكبت من لايف استايل
س6….عن نفسي؟؟؟ خذت زيوت عطرية من لايف ستايل…. صبيت الغرش كلها نقط نقط بالسيارة وحتى قطرت للمكيف….وطبعا ادخنين كسرة عود
وخلاااااااص
7….المرحاض تكرمين…..دايما اغسليه وافركيه بجف مع هاربيك….ويبيعون قطعة دائرية امكن ماركة هاربيك…تحطينه بالسيفون الخاص للمرحاض…يعني كل ماتسحبين الماي…بيظهر لون ازرق او اخضر او شفاف حسب النوع اللي خذتيه
هاي القطعه حتى ماتخلى الرواسب تترسب…مثلا لو انتي مسافرة10 ايام…لما ترجعين تلقين في خط من الرواسب للمرحاض صح؟؟؟ هاي القطعه معقمة تمنع تكون هالأشياء…
والمناظر….رش الزجاج مايقصر…نظفيه بجريدة او فانيلة ريياييل قديمة^.^
وبعد ازيدج…اذا بيبانج خشبية؟؟في رش خاص للبيبان^.^ روايحها حلوة شرا البرتقال وتلااااااامع البيبان والأثاث الخشب
واتمنى الأفكار تناسبج…وادعيلي الله يهديني ويكرمني وايسر امري
المشاركة الأصلية كتبت بواسطة alramla 
(: يا حليلج وااااايد مهتمه بالريحة وانا بجاوبج ع السريع بالنسبة للريحة في الكبت اشتري اكياس معطرة خاصة بالكباته وبتحصلينها في لايف ستايل ,,,وعلشان الدخون ريحته تثبت جربي تبخريهم وهم في الكبت وسكريه بتم الريحة ثابته بس لا تنسين المبخرة في الكبت انا احذرج بعدين لا سمح الله تحترقون ^^وفيه طور بتحصليها على ما أضن عند الرصاصي خاصة للكباته والغرف وريحتهن حلوة وتم ،،، وبالنسبة للسياره فيه أشياء وايد متوفره في الجمعيات خاصه لهذا الغرض بس تحطينهم عند التكييف ،،،واذا تبين ريحة البيت دوم حلوة استخدمي عطور المنزل والأثاث وهيه متوفرة في محلات العطور وبعدة روائح
وهذا اللي عندي وان شاء البنات بعد يفيدونا أكثر
تسلمين يالغلا ع مشاركتج و افدتيني يالغلا
و اكيد نهتم بالريحهـ الغاويه …..