اشحالكن خواتي عساكن بخير وسلامه
برمسكن عن قصتي مع العمليه التجملية …بالتفصيل لاني ما لقيت اجابات على أسألتي عن العمليه في النت وقلت افيدكم
بعد مسافر ابو الشباب قررت اني اسوي العمليه وانا كنت اريد اسويها من سنه تقريبا بس كنت متردده والحين قلت احسن اسويها لان ابوالعيال مسافر وبيطول يعني شهرين وخذت موعد عند الكتوره ناديه العراقيه وسرت يوم الموعد وكانت العيادة زحمه عندها وكانت مشغوله وساعة مايا دوري دخلتني النيرس وخذت الطول والوزن والضغط وقالتلي ارتاحي بتيي الدكتوره وانتظرت تقريبا ربع ساعه وعقب يت الدكتوره وتمت تسألني شو عندي وقلتلها اني اريد اسوي العمليه وكشفت على وعطتني موعد وكان موعدي بتاريخ 2/6/2017 وقبل لاأرقد فليل استخرت ربي وكنت يالسه افكر كيف بسير بالسياره وانا راجعه كيف بسوق وكنت احاتي وايد المهم قمت الصبح وتسبحت وصليت وتريقت وتلبست وقلت بطلع في الشارع امكن ألقي تكسي وساعة ماطلعت من باب البيت ما أشوف إلا التكسي في ويههي وأوقفه واسير الموعد طبعا كان الموعد في مستشفي دار الشفى وسبحان الله قالي راعي التكسي ماما شلي رقمي وإذا خلاصتي اتصلي انا برجعج ونزلت ودخلت المستشفى وأعطيتهم ورقه الموعد وقالولي انتظري في الكانتين إلين مانخلص ملفج ويسلت تقريبا نص ساعه وانا كنت يايه بدري الموعد وكان المفروض يعطوني غرفه خاصه بس اللي خربان واللي فيه ناس
بنات سامحوني ما اقدر اكمل ألحين لاني تعبانه وباكر انشاء الله بكمل