بعطيكم طريقة العصيده ألي اسويها طول الشهر الكريم :- شوابنا وشواب الفريج ايحبونها
السموحه المقادير مش مضبوطه لانه أنا اسويها بالنظر بس بحاول اقايس عدل تستاهلون وبالعافية .
– المقادير :
* كوبين طحين محمر ، على النار بالون الذهبي ، وبعد التحمير ينخل .
* 3 فناجين سكر
* استكانة دهن عربي
* قليل من الزعفران
* ملعقه صغيره هال مطحون
* ملعقتين اكبار ماء ورد
* الماي ربع الجدر مثل المجبوس ما عرف الصراحه للقياس عدل السموحه .
– الطريقة :
* احمر السكر حتى يذوب بعد ما يذوب احط عليه الماي الحار وتحملو لأنه اينطش خلو بالكم عدل .
* بعدين احط الدهن والزعفران و الماي الورد والهال واخليه ايفور عدل .
* وبعدين شوي شوي احط الطحين مع الخلط بالمشبك عن تتعقد ويصير فيها عقد ‘ وإذا كان عندج نفس خلاط (( أُسامه اطيب )) على الكهربه وتخلطين ابسرعه وشكل ناعم ومميز وبالعافية إلي اجربها اتقول رايها وبالعافية …. 
قيد التجربه …..
بجرب طريقتج لي عوده