العسل والمولود الجديد … للساحة الامارات

السلام عليكم خواتي ..

اول مره احط موضوع بهذا القسم

اتمنى تردون علي ..

عندي سؤال ..

أخت زوجي ربت من تقربا شهر ..

من قبل ما تربي وبعدددد ما ربت وهي تشرب عسل ..

وبعد ما ربت طبعا صارت ترضع .. ولدها كله ما يقدر يتبرز (تكرمون )

بس لمن يطلع عنده عادي يكون سائل .. بس وايد يعاني قبل ما يسويها .. ويتعصر ومرات يبكي لي يفرغ .. ويكون اللون احمر .. فهمتوني صح
عمتي اللي هي ام زوجي .. تقوول كله من العسل .. لانه حار

والحين ما تخلي بنتها تشربه ..

سؤالي …

هل العسل ياثر على البيبي من خلال الرضاعه ؟؟؟

على فكره هي شربته على ا ساس قالوولها انه يزيد من الحليب ..

يعني انا لمن اربي ما اشرب عسل ؟؟؟ مع اني حاطه ببالي انه راح اشرب ملعقتين في ماي دافي ..

شوو رايكم ؟؟؟؟؟

هل كلام عمتي صحيح ؟؟؟؟؟ العسل يأثر على البيبي ؟؟؟

انتظر ردودكم ؟؟؟

سبحان الله وبحمده

سبحان الله العظيم

ما يخصه بالعكس العسل وايد زين للحامل والموضع وخلط العسل مع حبة البركة يزيد الحليب

وممكن تشرب عصير برتقال فرش وانا اسوي لي يوميا دلة نعناع تخوز المغص وتريح البيبي

في ناس يقولون ان العسل مب زين حق طفل عمره اقل من سنه بس اذا كانت الام تشربه ما عتقد فيه ضرر للبيبي ما يخصه

الغالية شوفي الدكتورة قالتلي صح اللي ناكله يأثر بس مب لهالدرجة انه يأثر في براز الياهل الله يعزج

احس طبيعي اليهال جي يستويبهم

خليها تشربه يانسون و ماي وايد يساعد

ما اتوقع من العسل …

كل اليهال فهالعمر تيهم هالحاله … خليها تشرب يانسون و كراويه … وااايد تهدي …