السوربون..زايد..ستراثكلايد أو نيويورك لماستر إدارة الأعمال التعليم العالي

صباح الخير بنااااات

اليوم بسألكم عن أفضل مكان لدراسة الماجستير في مدينة أبوظبي و دبي لتخصص إدارة الأعمال

أختي الصغيرة محتارة بين عدد من الجامعات اللي بذكرها لكم

و هي تبا نصيحتكم حول (أسلوب الدراسة – المنهج – المدة – الصعوبة – الامتحانات و التقارير و البروجكتات- مراعاة الطالب " لان أختي شوي لعابة)

و هي راحت لكذا جامعة .. بس بعدها مترددة .. تبا تسال بنااااات جربوا الدراسة في الجامعات المذكورة.. و تبا توصية منكم..

يعني لا تقولون جامعة زايد و بس.. بل اذكروا السبب ؟؟ ليش يعني ؟؟؟

الجامعات هي :

1. جامعة السوربون.
2. جامعة زايد.
3. جامعة ستراثكلايد.
4. جامعة نيويورك أبوظبي.

هي محتارة بين هالجامعات الأربع .. و ما عندها صديقات عشان تسالهم؟؟ قلت بحط على المدونة و البنات اكيد ما يقصرون..

للعلم.. أختي موظفة بجهة حكومية.

و شكرا

الله يوفقج اختى

بالتوفيق

ما عندي فكرة عن الماجستير فولا وحدة من هالجامعات
بس يوم كنت ادور عن دراسة الماجستير كان خاطري ادش جامعة نيو يورك.. بس صعبة لانها ف بوظبي
و عقب التدوير و التفحيص اخترت جامعة حمدان
و الحمد الله ارتحت فيها وايد و نظام التدريس عندهم حلو.. يعني بين الاون لاين و الفيزيكال

يعني سواء هي ف بوظبي او دبي او اي امارة ثانية
مب لازم دايما تحضر الكلاس
لانه يكون شي كلاس اون لاين
يعني من البيت و انتي مرتاحة

انا ايلس ببيجامتي و اييب سوالف كاكاو و اكل
و احط المايك و ايلس.. هههه
و الحمد الله باقيلي سمسترين و اتخرج ان شاء الله
فاذا هذا اوبشن عندها انصحها فيه ^^

ان شاء الله البنات يفيدونج
موفقه ا لغالية

المشاركة الأصلية كتبت بواسطة زهرة منى

الله يوفقج اختى

الله يوفقج الجميع اختي

المشاركة الأصلية كتبت بواسطة نبض الشارقة

ان شاء الله البنات يفيدونج
موفقه ا لغالية

شكرا

السوربون..زايد..ستراثكلايد أو نيويورك لماستر إدارة الأعمال التعليم العالي

اترك تعليقاً إلغاء الرد