حبيت اليوم اضيف هالموضوع و اخليه بهالمدونة
الروعه و العزيز على قلبي
و ان شالله يعجبكم و اهم شي يفيدكم
لاني ما رتبت له من قبل
بس شفت كثير بنات يسألون
أنا سمرا ابي شي يبيض !
و قلت باحط هالموضوع عشان نثبت فيه انو السمااااار
له سحره الخاااص
و مو كل بيضا راح تكون احلى من السمرا
و اول نقطه لازم نوضحها
انو يا حبيبتي ما فيه شي اسمه سمرا تصير بيضا نو وي
و حتى لو سمعتي او حتى شفتي ما احس انه بيكون شي طبيعي
و بعدين مين قال السمار عيب
بالعكس و ربي السمر ياااما و يااااما اعجبوني كثير كثير
و تمنيت اسوي تان
بس فيه اشياء تبرز السمرا و تحليها
و فيه اشياء تبينها (بااهته) و هذا هو العيب الاساسي
اللي يخرب شكل اي بنوته سمرا و الا بيضا
فاذا كنت سمرا و تعانين من هالمشكلة
و تحسين سمارك باهت و شوي يجي على رمادي
او ان لونك مو متوحد
فهو هذا اللي لازم تغيرينه مو لونك
يعني اول شي لازم تحاولين تفتحين المناطق السمرا و هي غالبا
الركب_الاكواع_ممكن الرقبة
و اتوقع الجليسيوليد مع الليمون و انا احط معهم فيكس شوي
>> فيه ناس ما يحبونه و يقولون انه يسمر بعد ما تتركينه
بس انا مالاحظت و انتي براحتك
بس اهم شي
اذا حطيتيه جيبي النايلون حق الساندويتشات و لفيه على كوعك
او ركبتك يعني اكتميه
بس رقبتك لاااا>> مو تموتون بعدين تقولون ميمي قالتََ!!
و بالنسبه لرقبتك و الله والله عن تجربه
صابونه البابايا من العطار اللي تجي شفافه و فيها قطع
بس ترى هي تنشف البشرة مررة
يعني بعدها لازم ترطيب .. OK
و اسكينول البابايا
معروف غسلي رقبتك و امسحي بالاسكينول و بعدها رطبي
انا استخدمت كريم 21 البرتقالي
و قد جربت نيتروجينا من الصيدليه اخترت اللي فيه حمايه ضد الشمس
و كلهم اعجبوني
هذي الطريقة و الله تقضي عالسمار
و روعه مره
و ان شاء الله يتوحد اللون و نوصل للي نبيه
و فيه خلطة يا بنات
تعطي لمعه للجسم تخليه و الله على ذهبي
و بيخلي سمارك روعه
و هي
فازلين
كركم
> من الدكتور جابر القحطاني
بس انا احطها كذا عالمناطق الناشفه
الركب و الاكواع
بس باقي الجسم
اخففها بليمون و مويه ورد
و ازيد جليسيوليد
و المقادير يا بنات بكيفكم
يعني انا احط اللي يكفيني
2م فازلين
و 1 م كركم
و بعدين اخففها 1م جليسيوليد
و نص ليمونه
و نص فنجال مويه ورد
و اهم شي يكون قوامها يرضيك
هذي حطيها باستمرار
و اهم شي قبل المناسبات
تعطي لمعه نداوة و طراوة يا بنات
من الفازلين
و الكركم بعد روعه و ما يصفر
لا بس يخليك تلمعين
و اذا تسبحتي لا اوصيك بزيت جونسون
لاني احس احلى ما في السمر لا جوا فيهم لمعه الرطوبة هذي
و طبعا يا بنات السمرا حتى لو سمرا فاااتحه بيطلع لون جسمها روعه مع هالخلطة
و بصراحه كل البنات بعد انا ما ني سمرا بس احسها روووعه قبل المناسبات
و باضيف لكم اشياء تناسب السمر كثير و تحليهم
و اشياء يتجنبونها
و لي عودة ان شالله.gif "44 (23)")
وانا فترة الصيف استخدم كريم علشان اصير برونزيه ويحليلى اطلع
ببريق حلو ولمعه فى جسمى
يعطيج العافيه