اليوم جبت لكم نوع من الحلويات يقدم مع القهوة بس هالمرة
السعرات الحرارية أقل للمحافظين على رشاقتهم وممكن المصابين بالسكري انهم ياكلونها :1 (37):
السمبوسة الحلوة بطريقه صحية لان كلنا نعرف ان السمبوسة تقلى في الزيت وتتشرب كمية كبيرة
أما في هاذي الطريقه احنا بنتحكم في كمية الزيت عن طريق دهن سطح السمبوسة بالزيت وادخالها الفرن
المقادير…:22 (18):
-1 كوب لوز مفروم ( ويكمن اضافة أنواع المكسرات اللي تحبينها مثل الفستق أو البندق)
– 3 /4 كوب سكر ناعم بودرة الخاص بالرجيم ومرضى السكري و(((الخاص بالخبز بالفرن)))) بتلاقونه في الجمعيات
– ملعقتين صغار مسحوق هيل
– 3 ملاعق صغيرة ماي ورد منقوع فيه كم خيط زعفران
-عجينة الرول الصيني الجاهزة ( مانستخدم عجينة السمبوسة لان احنا بندخلها الفرن واذا استخدمناها بتجف بسرعه )
– زيت نباتي
لغلق السمبوسة :
4 ملاعق اكل طحين جميع الاستعمالات او رقم 1
ملعقتين اكل ماء
الطريقة:
——–
:1 (84):
– تخلط جميع مقادير الحشو اللوز والسكر والهيل وماي الورد والزعفران وتترك جانبا
– تقطع العجينه الى مستطيلات متساوية حوالي 4سم x سم12
– نلف طرف العجينه بشكل قمع كما هو موضح بالشكل ونغلق طرفها باستخدام خليط الطحين والماء
– ندهن السمبوسه بالزيت باستخدام فرشاة من كل الجهات جيدا
– لتوفير الوقت بعد لف 15 حبه ودهنهم بالزيت ندخلهم الفرن ونكمل لف الباقي
– نحمي الفرن على حرارة 200م ونضع السمبوسة في صينية وندخلها الفرن وبعد مايحمر الوجه الاول نقلبها على الوجه الثاني
– بعد ماتحمر من الوجهين نطلعها ونغمرها في القطر المعد من سكر الرجيم او يمكن غمرها في الشوكولاته الذايبه الخاصه بمرضى السكري
اونمسح قليل من العسل على سطحها ويمكن اضافة مبشور جوز الهند للحشو وللوجه
بالعـــــــــــــــــــــــافية … انتظر دعواتكم و ردودكم
:1 (35):
ولا رد واحد
مافي ولا وحده في المنتدى تبحث عن الرشاقة؟؟؟؟؟؟؟؟؟؟؟؟؟؟؟؟؟
يعطيج العافيه
يعطيج العافيه الغلاااا
تسلمين ع الرد حبيبتي .. تقدرين تحطين وياها اللي تبينه لان كمية الزيت اللي فيها اقل بوااايد من الطريقة الاعتيادية لهالسبب بتكون خفيفة ولذيذة