اشحالكن فديتكن؟؟
بدخل فالموضوع مباشرة
الله يسلمكن تاريخ 26 سرت عياده خاصه
والحمدلله الدكتورة طمنتني على البيبي وكل شي
وقالت انه البيبي ضاغط على الحوض وايد وكشفت علي
والرحم كان مب فاتح
واذا صار ولاده مب مشكله خلاص انتي فالتاسع..والياهل ولله الحمد صحته زينه
وقالت اكثر مشي واكثر من الجماع ويا بو الشباب
ولو صار تقلصات بعد الجماع شي طبيعي..
المهم
من رديت من عندها وانا امشي ساعه الا ربع
وكل مره اكثر
واليوم الصبح مشيت نص ساعه وعقبها نظفت بيت اهلي بس جي مزاج
عشان ابغي اسوي رياضه ..وهم كانو مش موجودين
وحسيت بعوار بس كان بسيط
ولما جامعت بو الشباب
عقبها بنص ساعه زاد العوار وايد
من 12 الظهر لين 3 الظهر
وخف نص ساعه ورقدت شويه وعقب نشيت
لانه الالم زاد من 4 العصر لين المغرب
وعلى فكره الالم كل 3 دقايق كان اييني
وكان شرات الام الطلق فـ بنتي
قلت اكيد بربي
بس عقب الساعه 7 ونص خف
ولا كانه ياني عوار فالظهر والبطن
والله العوار شرات الالام الولاده
على شو يدل فديتكن؟؟
يمكن الرحم ينفتح عندي؟؟
اكيد ولادتج قربت يالغاليه