الزهبه و الذهب .. ساااااااعدوني لتكوني انيقة

السلام عليكم يا أحلى بنوتات
عندي مشكله ومسويه أزمه في بيتنا و سبه امي وطلباتها
انا نخطبت والحمدالله ابويا موافق و انا موافقه.. بملج قريب بس المشكله توقف عند بيزات
الريال يقول إنه مهري = 50,000
والزهبه = 150,000
مع الذهب و الملابس والفتسان والمكياج
الريال قال حق اهلي هذا الي عندي ما اقدر أكثر من جي
انتو شو رايكم البيزات تكفي ولا لأ ؟
لو ما تكفي عاد استخدم شي من مهري ؟
شو من الذهب اشتريتي يعني كم عقد و كم ساعه كم خاتم ؟؟؟ مع اسعارهن ..
نرجع حق السالفه امي .. امايه شوفو كيف طلباتها
اونه المهر = 50,000
الزهبه =300,000
هنيه الريال انصدم وصارح ابويا قاله يافلان تراني ما اقدر
احس امايه اتريد اطفش الريال انا راضيه بالي الله قسمه الي والله مب معناته انا مرخصه في عمري لا والله ..انا شاريه ريال يستر عليا من هالزمن.. بس امايه كسرت قلبي وخرت فرحتي
احاول اقنعها بس هيه كل حياتها صريخ و كل شوي تقولي انت مرخصه بعمرج وانتي ما أدري شو كلام جارح وانا اسكت عنها و اقول الحمدالله هذا نصيبي
الحين يا بنوتات اباكم تساعدوني نصحوني ؟؟ كيف اتعامل مع امايه و هل امايه عندها حق ؟؟
للعلم ترا امايه وابويا منفصلين وملعوزيني كل واحد ايرني من صوب وكل واحد له راي احس عمري متشتته و اني صدق اريد اظهر من البيت واستقر نفسيًا
وعندي بس اخت اكبر مني بسنه وهيه مع امي .. والباجي كلهم صغاااار
ساااااااعدوني …وجابو ع اسألي الي بلون الاحمر بلييييييييييييز
الله يجزيكن الخير

صراحه وايد امبالغ المهر والزهبة

انا اختي توها ملجت

وخذو عن الريال الذهب والزهبة والمهر 85الف بس

مشكوره اختي ع الرد ؟ زين وانا معاج
شو اقول حق امي كيف اقنعها
ساعدوني بليييييييييييييييييييييييييز

احس بضيج مالي غيركن يا خواتي .. سااااااااعدوني

الغالية المهر محدد من الشيخ زايد رحمة الله عليه بــ 20000
وانتوا طلبتو 50000
مب مشكلة بس فلوس الزهبة تكفي ووايد بعد
انتي ما بتشترين اغراض تستخدميها طول العمر
احنا في عايلتنا بعضهم ياخذون 5000 مهر وفلوس الزهبة اللي يقدر عليه الريال ما نتشرط
والفلوس تكفي واللي ينقص الاهل الاب والام والاخوان يساعدون بطيب خاطر
المعرس كم وكم وكم وكم بيدفع بعض البنات يبن حفلات خطوبة وحفلات ملجة وحفلة حنة وبعد وراه مصاريف القاعة للحريم والرياييل ..الزينة على بيت العروس وبيت المعرس
الذبايح والطباخ ..الفرقة ..والخدمة اللي ايبونها القاعة …الخ
الله يعين الرياييل..

احس امج امبالغة شوي

بقترح عليج

شو رايج تسوين جدول تورين حق امج انتي شو ترومين تسوين ب 150000 وكيف بينفعونج ^^>> اقصد كيف بتصريفنهم حق الزهبة

والله يسهل عليج

حبيبتي موظوعج شدني واول مرة ادخل هالقسم بس قلت لازم اكتب لج حبيبتي انصحج نصيحت اخت لاخت الريال شارنج ليش تكلفون علية اذا امج بتزيد الزهبه ترا الريال بيطفر وبيدور له غيرج ويمكن بس تاخذ منه 50 الف لا تشردين الريال وتمسكي فية وباجر مابيقصر عليج والبنات غيرج وايد قاعدات في البيت ويترين الستر والله استغربت من المبالغ الي كاتبتنها وانتي شو بتسوين في ال300الف اصلا معروف ان المهر 20 والزهبه اذا كثرت 50 وصدقني لو ما كلفتي علي ريلج بتكبرين في عينه والقليل فية بركة وخير كثير وانا خذت من ريلي 50 بس 20 المهر و30 الزهبة وخذت من المهر والله كانت البيزات فيها بركه وخذت الي ابيه وماكثرت من الذهب وعقب الزواج خذت لي كل شهر شوي من الي ابية والحمد لله