الرضيع لعشاق السياحة

هلا يا امهات اشحالكم حبيت اسالكم سوال بسيط عندي ولدعمره خمس شهور كل الاطفال اللي بعمره يشدو ريلهم يوم يوقفونهم كل مره يقولون لي ليش ولدش ما يوقف وديه افحصيه شوفي شو السبب بس الدكتوره قالت لي ها عادي لمده خمس شهور

مادري فديتج يمكن لانه واايد متين ؟؟؟؟؟ او لانه واايد ضعيييف ؟؟؟ بس احس عاادي توه صغيير
انا ولدي احين عمره خمس شهور فديته الله يحفظه لي توه بدا يشد ريله يوم اوقفه

الغاليه انا ولدييه كاان جييه
لانه ضعيفووني وصغيرووني ..
بس لما كبر صار يشدها
لا تخافيين ولا يخووفوونج
وان شاء الله مافيه الا العافيه ..
لاحقه يالغاليه ..

عادي اختي انتي ابدي وقفيه شوي شوي يعني لا تظغطين على ريله بس شلييه ووقفيه على الخفيف انا قبل ولدي ما يشد ومن قمت اسويله هالحركه ماشاء الله على طول وقفالمسئله تعود وهذيل يهال

ان شاء الله البنات يفيدوج

حبيبتي لا تخافين خلج من كلام الناس رمستهم أزيق ~
عقب ماسبحينه سويله مساج للريوله وان شاء الله بيوقف يلسه في الميلسه عسب تتقوى عظام ريوله

لا تحاتين حبوبه دامه يحرك ريله ويرافس لا تستعيلين عالوقفه بنت اخوووي ما قامت تشد ريلها الا من كملت سبع شهور ونص مع ان اخوانها ما شاء الله من شهر وشهرين يشدون عودهم ويوقفون بس هي مزاااج على قولة الدكتووور ما تحب هالوضعيه .. الحين عمرها سنه ونص وفديتها تمشيوتركض طبيعي ما فيها الا العافيه