السلام عليكم
انا ربيعتي مربية من اسبوعين وتقول ان احساس الرضاعة غريب وايد يعني حلو لانها تعطي ولدها حنان ونفس الوقت غريب وتحس بالام او مغص ما اعرف اشرح لكم كيف !!
انتوا شو رايكم ؟
وهل هالشي طبيعي ؟
لاني عندي بنت عمرها 4 سنين وما حسيت جي
مافهمت الالم وين ؟ اذا بالصدر فيمكن التهبت الحلمة تحصل في الشهور الاولى من الرضاعه ولها مراهم للعلاج
انا عندي 3 عيال واول ياهل يوم رضعته ماكنت احس بأي الم اما الطفل الثاني والثالث كانت الرضاعه فالاربعين مؤلمه ويضربني ويع في بطني مثل الطلق حتى ساعات اير صدري بقو عن البيبي من الويع يعني هالامور طبيعيه ان شا الله
موفقة ان شاء الله
طبيعي الم البط لان الرحم يتقلص ويرد على طبيعته
أختي طبيعي الألم لان كل ما ترضع ينشد عندها الرحم وهذا شي وايد زين
اما اذا كان الألم من الصدر لانه فيه الحلمات تلتهب خلها تأخذ كريم للحلمات وتسوي مساج لصدرها وتدفيه بماي دافئ او مطارة وزين بعد تدهن زيت زيتون للحلمات روعه
اما اذا كان الألم من الصدر لانه فيه الحلمات تلتهب خلها تأخذ كريم للحلمات وتسوي مساج لصدرها وتدفيه بماي دافئ او مطارة وزين بعد تدهن زيت زيتون للحلمات روعه
الله يسهل علينا –