الرجيم السحري رجيم العيش والزبادي خالي الدسم

اشحالكم بنات شو مسوين
اليوم يالسه ادور على رجيم يناسبني و اول مره اقرا ريجيم العيش والروب ومقتنعه فيه من زماااااااااااان بتقولن كيف وانتي بس اليوم قريت عنه …؟!
كنت في الجامعه من 6 سنوات وكان لي صديقة دبدوبــــه وماشاءالله عليها نزلت واااااايد
وسألته شو تسوين قالت اكل بس عيش ابيض وروب وامشي كل ليله في البيت ماصدقتها بس البنت حلفت الله بأنها تاكل بس عيش ابيض وروب +شاي اخضر فقط ومشي يومي …السالفه هذي من 6 سنوات ….
امس تلاقيت ويا خالي من قبل رمضان ماشفته وكان ضعيييف اقوله شو عندك ليش ضعفان ايقولي عندي قرحة بالمعدة وتعالجت عند مواطن منع علي اكل اي شي غير عيش ابيض وروب وبس يعني غدا وعشا عيش+روب خلصنا من خالي
انا بروحي في شهر 2-2017 تعبت من معدتي وقالولي كلي بس عيش والله يابنات استخدمته اسبوع نزلت يمكن 3 كيلو ماكنت احب اللحم ولا اي شي بس عيش
بس ما اهتميت الحين ربطت كل المواضيـــع واكتشفت بأن رجيم العيش والروب ينزل الوزن بشكل مضمون يعني اللي تبا تنزل تتبع النظام وبتنزل ….
وإن شاءالله ناويه اني اسويه مع المشي كل يوم لمدة 45 دقيقه حتى لو ان شاءالله امشي في الحوش
ونظامي بيكون كالتالي :
الافطار : كاس عصير برتقال فرش +كوب ماء +زبادي خالي الدسم
الغداء والعشاء : عيش +زبادي خالي الدسم
بحاول اشرب شاي اخضر بين الوجبات
وزنــــــي راح اسجله حقكم بعد ما اوزن اليوم وببدأ فيه بكره واللي حابه تشاركني حياها الله