الرجاء من بنات كليه التقنيه الدخوول للضرورة …واي وحده فالجامعه عندها نصحه تدخل في الامارات

حبيبتي اول شي انتي دبلوم والا دبلوم عالي

لاني ما عندي فكرة عن الدبلوم

لكن اذا كنتي دبلوم عالي .. فـ بقولج لا تحاتين ولا تخافين

الدراسه سهله الحمدلله لكن يبالها شوي تشدين حيلج .. يعني مستحيل تلقين تخصص في اي جامعه سهل و ايزي … كل تخصص له صعوباته

خاصه انتي الحين فيرست يير …. و السنه الاولى هاي تأسيسيه في البزنس و الاي تي .. و كل اللي بتاخذونه جنرال و سهل و ما يباله شي .. بالعكس حلو وممتع

لكن عقب يوم بتروحين سيكوند يير .. يعني السنه الثانيه .. حسب التخصص اللي تختارينه

ما ادري عن التخصصات الثانيه .. لكن اقدر اخبرج عن تخصصي (البزنس)

صدقيني سهل و ممتع اذا حبيتيه .. لكن اذا بتدخلينه غصبن عنج .. بتكرهينه و مستحيل ترفعين المعدل

صح يباله شغل و كراف .. بس حلو و ممتع … بتتعلمين اشياء واايد حلوة … بس يبالج تشتغلين على نفسج و تشدين حيلج

اممممممم شو بعد

بالنسبه للايلتس (رديت عليج في الموضوع الثاني)

لكن ما انصحج تسبقين الوقت و تحاولين تسوين سكب حق الفيرست يير انجلش كورس

لان انتي جيه والا جيه بتدرسين السنه .. لكن مادة الانجلش الوحيده اللي بتنحذف

طيب ليش تمتحنين الحين و تاخذين باند نازل في الايلتس .. بس عشان تسقطين المادة

اصلا حتى لو امتحنتي لازم تدربين قبل الامتحان .. و مادة الانجلش بتساعدج واااايد عشان تكونين مستعدة لامتحان الايلتس

يعني بتوفر عليج الوقت و الجهد

نصيحتي لج .. خليج مثل ما انتي .. و ادرسي السنه و بدال ما تفكرين تسقطين المادة … بالعكس شدي حيلج فيها عشان تاخذين باند مرتفع في الايلتس

اتمنى اني ساعدتج و جاوبت على سؤالج

و بالتوفييييق يالغلا