شخباركم
انا صار لي متزوجه اكثر عن 3 اشهر بتاريخ 5 / 7 / ولين الحين ماحملت
وبعد زواجي بثلالث اسابيع يتني الدورة كان تاريخ 21/7 / وعقب الدورة ماخلصت حسيت بآلام تحت ورحت المستشفى طلع عندي كيس في المبيض
المهم قالت لي الدكتوره لازم تسوين عمليه اتوكلت على الله وسويتها وعقب فترة رحت مراجعة قالت كل شي تماااااااام بس المشكله من بعد ماسويت العمليه تأخرت عني الدورة 47 يوم وكانت في تاريخ
5 / 9 / ، وبعدها تأخرت 39 يوم ياتني بتاريخ 13/10
ياربي شسالفة ؟؟ ليش الدورة مب منتظمه ويااااااي مع اني من سويت العمليه وسرت المراجعة ماسرت افحص ولاشي لين الحين مب عارفة شالسبب
شوفو الايام اللي ياتني فيها الدورة
زواجي كان 5 / 7 / 2024
الدورة الاولى قبل العمليه 21 / 7 / 2024
الدورة الثانية بعد ماسويت العمليه 5 / 9 / 2024
الدورة الثالثة الحين 13 / 10 / 2024
والله خاطري احمل بسرعة مو عشاني انا عشان ريلي خاطرة يصير ابو
لما اقوله الدورة تتأخر يستانس عباله اني حامل ولما اسوي تحليل مايظهر شي
الحمدلله على كل حااااااااااااااااااااااااال
ادعولى خواااااااتي
وربي يرزقج ويرزقني معاج بالذريه
يااااااااااااااااااا رب
اختي هدي واذكري الله بعدج عروس عيشي حياتج..
الافضل انج تراجعين دكتورتج وان شاء الله ماعليج باس 
ربي يرزقج الذرية الصالحة السليمة المعافاة في القريب العاجل
بس المشكله الدكتورة انتقلت مستشفى ثاني ماعرفه
انا سويت العمليه ف مستشفى زليخة الشارجه
تستعجلون في الحمل من بدري وبعدين تقولون يا ريتنا تعودنا ع بعض أكثر
هاي رمسة الأغلبية
فأنتي لين 6 شهور ع الأقل لا تفكرين ولا تقولين لريلج والله تأخرت علي الدورةعشان ما يعيش بأحلام الحمل من الحين وان شاء الله ربي بيرزقكم قريب …
بس حبيت أسألج هل دورتج كانت غير منتظمة قبل زواجج ؟
وبعد العملية شي طبيعي تتأخر الدورة لأني انا نفس الشي تأخرت علي بعد عملية التكيسات 10 أيام
يعني كملت 40 يوم بعد العملية ونزلت علي …
المهم ..
شكل الدورة عندج ع 40 يوم وهذا شي طبيعي وما تعتبر أنها متأخرة بس انتبهي لأيام التبويض ..
ولا تغشين عمرج بالأدوية المنشطة من الحين نصيحة إذا ما فيج شي ..
وان شاء الله ربي يرزقنا آجمعين