الحمد الله نزلت 5 كيلو وفي تقدم ان شاء الله لصحة الحمل

بنات بخبركم سالفتي ويا الرجيمات
قبل كنت اسوي رجمات قاسيه وانزل عليها كم كيلو بس النفسيه ماتكون مرتاحه وتلقوني بعد كم يوم من الرجيم والتعب ارد وزني دبل

وعلى هالحال كل ما اسوي رجيم نفس السالفه ف مليت من الرجيمات فقلت طز والله الا هلاك واخرتها ارد الي نزلت بفواءد بعد

لين يا اليوم الي صدق صدمني فيه ريلي قالي انتي شو لينه بيتم جسمج جيه يعني؟
وقالي انه الي اشوفه ان وزنج يزيد بدال ما ينقص وشو لينه تبين توصلين متى يعني بتعدلين جسمج

هنيه الصراحه (استحيت على ويهي ) الصراحه قويه لو حد غير قايل هالكلام يمكن ماعليه بس ريلي (قويييييييييييييييييييييييه)

عاد هنيه فكرت بعقل قلت صدقه شو لينه بيتم جسمي جيه انا مب متينه وايد بس عندي وزن زايد وزوائد شويه متوزعه

لا ان لبست طلع شي حلو عليه ولا اروم البس اشياء يديده واستخسر على عمري اللبس حرام والله اشياء حلوه بس يوم البسها تخترب

فقلت خلااااااااااااااااااااااااااااااااااااص ما عاد بسوي رجيمات ترد الوزن او اتعب منها (ماشي ايي بالساهل)

فقلت بطلع رجيمات من النت وبجربها فقمت اجرب رجيم التمر واللبن صح زين بس انا ما استمريت عليه وجربت كم رجيم بس في النهايه رديت افكر قلت مب مهم انزل بسرعه المهم اني انزل وجسمي ما ينقصه شي فرديت على رجيم سويته من راسي الصراحه فيه فواكه وخضروات ونشويات وبروتين وحليب
بس بقياس

والحمد الله الحمدالله في مده شهر نزلت 5 كيلو وريلي وايد مستانس ويشجعني بعد كان وزني 66 والحين والحمد الله 61

وشوي شوي لين اوصل 55 وعقب 50 (من سار على الدرب وصل)

بس لازم يكون الدرب صح علشان ما ارد من نص الدرب

وانا الصراحه بعد ارتحت نفسياً ومره قلت بسوي يوم مفتوح فلقيت نفسي ابدن مب متولهه على الاكل

واليوم الحمد الله سرت شريت سير للمشي لاني قبل سويت رجيم بدون مشي او رياضه واحس جسمي شوي ترهل بس ماعليه المشي بساعدني على اني انزل وزن زياده

بنات انا في البدايه تعبت شوي يعني اول اسبوعين الصراحه نفسياً وجسدياً اتعبت بس اليوم والحمد الله من فتره اسبوعين وانا مرتااااااااااااااااااااااااااحه ما احس اني اسوي رجيم وخاز عني يوع الليل وما احس بدوخه او باي شي يضايقني وهذا الي ان شاء الله بيثبتني على الطريق

بنات مافي شي ايي بالساهل وما بعد الضيق الا الفرج وما بعد التعب الا الراحه والوناسه

كم يسوا يوم اشوف حد قالي (وااااااااااااااايد ضعفتي )

بنات نصيحه الي معرسه لا تتريا كلمه جارحه من ريلها والي ما عرست ترتب جسمها من الحين قبل لا يفوتها القطار ترا والله اسمع ناس وايد تقول فلانه فنانه بس ما اقدر اخطبها لاخويه او ولديه لانها (متينه)

بنات خلاص شو لينه بنتم نحمل هالشحوم على اجسامنا الي ما وراها غير لوعت الجبد

لا ان سرنا عزيمه استانسنا على اشكالنا ولا ان لبسنا لبس طلع حلو علينا
ولا حتى نفسياتنا مرتاحه

دايماً يوم نشوف الرشيقات نحس بالنقص والفشله

انا خلااااااااااااااااااص توبه ارد الي تعبت عليه وعقيته وان شاء الله اني بستوي رشيقه عشان ريلي وعشان صحتيه وعشان نفسيتي بعد

بعيش مثل الناس الواثقه امشي واثقه البس واثقه اختار المديلات الي اباها وانا واثقه ان جسمي الي بيحلي المديل

واذا صارت مناسبه او عرس ابا اكون نجمه السهره بكل ثقه ماشي ناقصني والحمدالله جمال وحضور و(ان شاء الله جسم روعه مشدود ورشيق)

بنات انا فيه شي وايد نفعني كنت يوم ايوع او اكون تعبانه نفسياً من الرجيم كنت اقول (لاحول ولاقوة الا بالله) وارددها والحمدالله يخوز عني اليوع وارتاح نفسياً ويعطيني دافع حق اكمل

يالله بنات نبا شدت همه خلاااااااااااااااااااااااااااااااااااااااااااااااا ااااص بنعق شحومنا وبنستانس بالصحه والجمال مثل الخلق

وبس حبيت انكم تشاركوني فرحتي بخساره هالخمسه كيلو وتشجعوني على اني اوصل الهدف ان شاء الله

وممكن يكون كلامي دافع لحد انه يكمل رجيمه او يبدا رجيم

بس بنات عن العيله بالراحات احسن واضمن