شحااالكن خواتي عساكن ابخيير
فديتكن بغيت اسألكن عن مستشفى لطيفه أنا مسويه قيصرية من 6اشهر تقريبا ف صقر و رب العالمين كتب لي احمل مره ثانيه(الحمدلله ع كل حال ) و حابه هالمره أراجع ف لطيفه بعد الي شفته ف صقر بغيت اعرف كيف نظام فتح ملف حوامل عندهم و كيف نظام الغرف هل بكون ف غرفه بروحي و لا مشترك
ربي يحفظكن
تقدرين تفتحين ملف ف لطيفه من شهر رابع
بس لازم أول الشي تروحين عياده حكومية تابعه حق لطيفه عندج بدع وقصيص وأم سقيم كل منطقه الشي عياده عقب دكتوره بتعطيج تحويله حق لطيفه
وأكيد بيعطونج فرصه عسب تربين طبيعي
بالنسبه للغرف أكيد الشي غرف خاصه وحتى الشي غرف vip لج حريه اختيار
المشاركة الأصلية كتبت بواسطة زهرمار 
تقدرين تفتحين ملف ف لطيفه من شهر رابع
بس لازم أول الشي تروحين عياده حكومية تابعه حق لطيفه عندج بدع وقصيص وأم سقيم كل منطقه الشي عياده عقب دكتوره بتعطيج تحويله حق لطيفه
وأكيد بيعطونج فرصه عسب تربين طبيعي
بالنسبه للغرف أكيد الشي غرف خاصه وحتى الشي غرف vip لج حريه اختيار
حبيبتي مشكوره ع ردج فديتج
واتريا رد باقي الخوات
تقدرين تفتحين ملف من الشهر الثالث
وعن الغرف تقدرين تكونين في غرفة خاصة او في اي بي
اذا ما ياج سكري حمل بيتريون عليج لين الاسبوع الاربعين اذا ما يتج ولادة بيسون لج عملية
بما انج مسوية قيصرية ما يقدرون يعطونج طلق صناعي او اي شي يا انه اتيج ولادة او عملية
وان شاء الله ما تحتاجين عملية
والله يثبت لج حملج
قامو وحولوني دبي وطنشتهم وربيت في الزهراء
وبعدين في بجري ربيت بقيصري والثاني يبته بعد قيصري لاني حملت على طول
قالولي جان صبرتي بتربين طبيعي والتساهيل من رب العالمين
مشكورات خواتي ع ردكن