انا عرسي شهر 4 و عدي ما دورت لي فستان و لا حجزت صالون والحنا ولا تزين القاعه ووايد اشياء ابغيكم تنصحوني منو تسوي احلى مكياج للعرايس بس ابغيها تكون فالشارجه او دبي الله يخليكم ابغي مساعدتكم
و ابغيكم تقولولي عن الحريم اللي يفصلون عبي بس ما ابغي اللي اسعارهم غاليه
و السموحه طولت عليكم
ومنكم نستفيد
انا سمعت عن وحدة في دبي اسمها امل المزروعي بس مو شايفا شغلها بس البنات اهني واااايد يمدحونها وهي من دبي .. وان بغيتي الرقم بطرشلج ع الخاص .. بس انا اقولج انا مو شايفة شغلها بس مدح البنات
وعن الحنة .. صراحة احلا حنة … وبسويه لعرسي ان شاء الله عند وحة نسيت اسمها في صالون القمر اللي بالشارجة .. بتخبر اختي عن اسمها وبرد عليج ان شاء الله .. وان مارديت طرشي رسالة خاصة .. يمكن انسى ارد لموضوعج مرة ثانية؟؟
وعن الحريم اللي يسووون عبي .. ما عندي فكرة .. بس وايد قريت فالمنتدى عن حريم ..
وان كنتي تبين اتأجرين فساتين .. ترا احلا الفساتين في الشارجة وعيمان .. ان بغيتي ارقام اي وحدة منهم انا حاضرة .. وفي وحدة في منتدانا اسمها فساتين عرايس بعد اتاأجر وحلوة فساتينها وان بغيت الرقم .. فالج طيب
ونصيحة مني اقري الموضوع المثبت في قسم عروس اللي عنوانه عرايس 2024 ترا فيه وايد خبرات لبنات المنتدى وان شاء الله تستفيدين
بخصوص فستان العرس يمدحون ندى وام جاسم ونوورا بس الصراحه ماشفت شغلهم لكن على كلام البنات يقولون حلو
وعن صالون الحنا عندج صالون عائشه بالشارجه وصالون مراسم
وصالون للميك اب عندج عذبه شغلها وايد حلو وعن تجربه
وعندج فاطمه ال علي الصراحه ماجربت شغلها لكن ناويه اجربها لعرسي والبروفه ماتقصر تبين منو اللي شغلها احلى وهن من الشارجه
وتزين القاعه عندج المناسبات شغلهم حلو بس وايد غالي عند جهاد كبار
وعندج الخطيب نحن مجربينه شغلهم حلو وايد واسعارهم معقوله
وتفصيل العبي الصراحه مااعرف حد لاني ماشفت شغل اي حد منهم
والله يسهل عليج يارب وانشالله البنات مايقصرن
وشدي حيلج ترى مابقي شي على شهر 4 الايام تعدي بسرعه يبالج على الاقل شهر ترتاحين فيه لامشاوير ولاغيره يعني عندج شهر 2 بس
ولاتنسين تعزمينا تراني قريبه منكم
نسيم من صالون القمر اللي بالشارجة .. واسألي عنها هي تتنقل بين فروع الشارجة
هناك هي اتكون موجودة .. الفرعين وايد قراب من بعض يستوي تتنقلين بينهم مشي
انتي بس قوليلهم ابي نسيم