الجزء الثاني من لحياه مليئة بالسعاده و المرح (لكل وحده اتعاني من زوجها و الملل الروتي لتربية طفلك

لا سيري اهمسي باذنه و قولي له ( ليش مب حلوه حبيبي) بدلع يعني و حركات مني و مناك لا اتسيري اتصارخين بويه و تنقع البوكسات خحخخ
دلعيه دلعيييييييييه صدقيني يموتون ع الدلع حتى لو ما كان يبين الج ..

ثالثا :

طبعا الريال ما يحب الوحده الخجوووووله جدااااااا و حطوا تحتها امية خط لانه وااايد
بنات يستحن و مخربااات على اعمارهم خلي هالخجل لوقته حبيبتي بس في اشياء الريال يبى ايشوفها بحرمته لا تحرمينه من الكلمات الحلوه خليه يتعود عليها قولي له

حبيبي , عمري, انته حياتي كلها , الله يخليك لي يا عمري , الله يعطيك العافيه , يا حظي يوم خذتك ( بيصدق عمره عاد ) خخخخ , عسى ربي لا يفرقنى عنوني , و يوم بيكون بعيد عنج طرشي له مسجات شوق طرشي له ادعيه و يوم الجمعه طرشيله مسج ,,

و حتى اذا كنتي مسويه له ليله طرشي له قبل لايي مسج حلو اكتبي له الحلو وينه ترى اشتقت اله ..
و عاد انتي و كيفج عبري من عندج امدحيه وااايد و امدحيه مره جدااام اهله و شوفي شو بيستوي دقات قلبه بتسمعينها هع

و عاد وقت الليل ابدعي و اكشخي اكشخ ما عندج و ابدعي بالحركات و ترتيب الغرفه ..
البسي له قميص حلو و سوي تسريحه لشعرج او افتحيه و حطي لوشن بجسمج كامل و اتعطري بعطر خفييييف و البسي اكسسوارات بسيطه مب مال العرس

و اهتمي بنظافتج الشخصيه طووول اليوم لا اتمين بثياب الطبخ او الشغل

و أخيرا :

اتمنى كل وحده اتحطي بالها من اعيالها و ريلها و لا اتكبر المشاكل و كل ما صار شي بينها و بين ريلها اتسير ادق بيتهم
و اتخبرهم كلهم ماله داعي ها الاشياء اتفاهمي و حلي المشكله بنفسج لا اتسوين حساسيه بين اهلج و اهل ريلج ..

و لا اتقولين ريلي فيه و فيه لا شوفي اجابياته قبل سلبياته و شو في وين الاكثر صدقيني
في اشياء نقدر انغيرها عشان ازواجنا بس العقده بيدنا و فيه العكس بس خواتي لا تيأسون
و ادعوا ربكم بالسجود انه يوفقكم ويا ازواجكم و يبعد عنكم الشيطان ,,

و ادعي دايما لريلج انه يهديه و يسر له اموره و يوفقه و ان شاء الله كل ايامكم سعاده
بساعده ,, الله يوفق الجميع و الله يرزق اللي ما عرست بزوج صالح و المعرسه بالذريه الصالحه …

ان شاء الله موضوعي نال اعجابكم .. تعبت عليه وايد ترى لا اطنشوني بالرد حبيباتي
و انا اول مره اكتب موضوع بها الشكل و اذا شفت تشجيع بنزل شي يديد ^^