الجامعه و لا التقنيه .. بليييييز ساعدوني مستقبلي بيضيع التعليم العالي

مرحبا بنااااات
اشحالكم ..؟؟

ببدأ في مشكلتي ع طول لاني تعبانه نفسيا من هالسالفه ..

انا دخلت الجامعه و درست سنه كامله ليفل و عقب خذت الايلس و درست سمسترين
و صيفي في كليه اداره الاعمال تخصص محاسبه .. ادرس في الجامعه بمنحه

المنحه تنسحب يوم معدلي ينزل تحت 2.00 بس انا انذليت من المنحه
كل سمستر تنسحب و احاول و ارجعها و يرجعونها سحبوها مني مرتين معنه كنت 2.50 و 2.13
المفروض ما تنسحب اوكي ..احين معدلي نزل و وصل ال1.54 رجعت المنحه بتعهد و جي
و انا قدمت ع التقنيه في رمضان اليوم ردولي جواب و قالوا قبلناج بس قالولي ما شئ غير
العلوم الصحيه و تصميم الازياء بس انا ابغي اي تي و عقب قالتلي شئ الانيميشن تخصص
مطلوب و يديد و العلمي فيه اكثر من النظري و ما فيه رياضيات و هذا همي الرياضيات..

و في الجامعه هالسمستر خذت مساقات اختياريه مشتركه بين جميع الكليات لاني ناويه كنت احول من محاسبه لين علاقات عامه
بس ما يستوي انقل كليه الاتصال الا و معدل 1.70
انا قلت بحاول ارفع معدلي هالسمستر بس مستحيل يستوي 1.70 لانه يقسمونه من المعدل السابق اللي هو 1.54 و بجي بتنسحب المنحه مره ثانيه ..
و اذا يبت في كل 3 من ال 4 مساقات اللي ما خذتنهم A و يبت في وحده C بينزل معدلي و بتنسحب المنحه بعد ..

انا قلت للتقنيه اذا ممكن اتريا لين السنه اليايه لاني ابا اي تي قالولي ما يستوي لاني دفعه 2024 فصعب انا من باجر بداوم في التقنيه ..

احين مب عارفه اتم في الجامعه حتى لو سمستر واحد ادفعه من عندي لانه لو معدلي
ارتفع بترجع المنحه او اسير التقنيه خلاص لاني ما بيقبلوني في التقنيه مره ثانيه..؟!!

في حد من التقنيه عنده خلفيه عن تخصص الانيميشن او الاتصال المرئي او حتى لو من الجامعه ؟؟
و هل التخصص هذا صعب و لا سهل ؟؟

و شو اسهل التقنيه و لا الجامعه ؟؟
و وين اتم احسن الجامعه و لا التقنيه؟؟؟

بليييز بنات لو سمحتوا خففوا علي ساعدوني سنتين راحن ع الفاضي ما ابا اضيع زياده
احس عمري بتخبل من التفكير ..

يمكن كلامي ملخبط شويه بس مب قادره اركز في شئ ابدا

بالنسبه للتخصصات إلي حدديتهم باللون الاحمر مطلوبين بشكل كبير و الميديا مافيه رياضيات بس لازم تحسين ان ميولج للميديا وتقدرين تبدعين فيه

ادخلي تجمع كليات التقنيه واستفسري عن هالتخصصات وان شاء الله البنات بيفيدونج اكثر

وانتي صلي استخاره وان شاء الله خير

كم عدد ساعاتج حبوبه

لو ساعاتج قليل ترومين ارفعينه بسهوله

طرشيلي عدد ساعاتج الي انجزتيها والنقاط بقولج كم لازم تيبين

على فكرة انتي نفس دفعتي ^^

ادفعي من جيبج هالسمستر وشدي حيلج ارفعي الجي بي اي

الله يوفقج حبيبتي احس تكملين بالجامعة احسن لج بس من تكملين ارفعي الجي بي اي