بنات انا شفت موضوع عن وحده تسأل عن فايدة الثوم للشعر وكل الردود ماشالله مدحته والمجربات كلهن قالن انه يغلظ الشعر ومفيد انزين الحين انا ابا استخدمه بس شو الحل ويا الريحه؟؟ يقولون الريحه اتم شهر وشهرين لو اسبوع ماعليه بنتحمل لكن شهور صعبه …. هل الريحه تكون قويه وايد؟ يعني لو حد قاعد عدالي بيشمها؟ وهل تلصق الريحه في الشيله ولا في المخده؟
انا جربت الثوم سنة وكنت في البيت
واااااااااااااااااااااااو شو رهيب هلعلاج
وربي يشهد بعد التساقط ولا صرت اشوف شعرة وحدة في المشط
وغلظ شعري بشكل عجيب وصار قوي
بسسسسسسسسسسسسسسس
الريحة
كلما اغسل شعري تطلع الريحة الى ان ينشف
والمشكلة لما يعرق الراس تطلع الريحة
يعني باختصار بتتبخر من المسام
بس لما يكون الراس ناشف واوكي مافيه ريحة محسوسة
بس الثوم علاج ولا اروع
انا كلمتك عن تجربتي والباقي عليج حبيبتي
اذا كنتي في البيت وماتطلعي ممكن تجربيه في الاسبوع مرة وبهلشكل الريحة ماراح تكون مركزة
باختصار كلما يكون الشعر مبلل تطلع الريحة
اي سؤال انا حاضرة حبيبتي
واتمنالك شعر غليظ وقوي وادعيلي الي نفس الدعوة
اول ماتخلين الثوم وتغسليه بتشمين الريحة في الحمام وانتي بكرامة يعني وتقدرين تشطفين شعرج بمخفف خل التفاح حيعطي شعرج لمعة حلوووة ويخفف ريحة الثوم
وطبعا اذا نشف شعرج وجلستي جنب اي احد ماراح يشم الريحة
مثل ماخبرتج الريحة ماتطلع الا لما يكون الشعر رطب او مبلل يعني لما يبدي يتبخر الماء منه بتطلع الريحة معاه
وطبعا اذا لبستي الشيلة وشعرج مبلل حتلصق الريحة في الشيلة
والتاثير طبعا مو من اول استخدام مثل اي علاج
بس بصدق انا بتحسر على ايام اللي استخدمته فيها واتذكر كيف صار شعري
واي سؤال انا بامرك حبيبتي
دعواتي لك بشعر حلو مثلك
•°o.O ( اللهم إن كان رزقنا في السماء فأنزله) O.o°•
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه) O.o°•