حبيباتي الله يسلمكم
انا ارتب لعرس ناس من اهلنا
و وصلنا لتوزيعات هل نقدمها او لا
و شفنا عدة اشكال
بس احترنا
شو تحطون في التوزيعات ؟؟!!
اقترحوا على اشياء
تحسون لو سوينا شموع بشكل معين؟. حلوه تكون توزيعات ..؟؟!!!
يسوون ورود وفي بوكسآت مآركآت صغيرونه وفي تغليفآت ورق مثل الفلوس وفي اكيآس على شكل شخصيآت لآبس غترة وكندورة بس وآيد حلوين
انا سويت كآكآو واخترت الورد طبعآ ورد صنآعي مب طبيعي
كنت نآويه اسوي عطر ولوشن ودخون بس خوآتي قآلوآ ليش تخسرين ويمكن حد مآيعيبه اما الكآكآو الكل يحبه
وطلبت الطلبيه ^^
وفي عندج بعد شموع حلوه تنبآع احيد وحده فالمنتدى تبيعهآ وفي عطور ولوشنآت ودخون وتوزيعآت اسلآميه
امممممممم يعني هذآ اغلب اللي نشوفه
مووووفقه يآآرب
كــ رأي …سالفة الشموع مب شي لأنه حركة جديمة ومحد بيستفيد منها 
كم عرس سرت وسووا توزيعات شموع وما استفدت منها عقيتها
تعرفين شو تييبين
أذكااار واااااااايد حلو الكل بيحطيه ف شنطته
وحلويات شرات هذي ( كاندي )
تحطينهم ف بوكسات شرات هذي
او كب كيك حلو كتوزيعات
ماشاء الله بنات ف المنتدى يسوون كب كيك اشكال والوان
او سوي روزنامة صغيرة تكتبين فيها كل شهر آية قرآنية او حديث شريف عن الحث عن الزواج وجيه
وعلى غلاف الروزنامة حطي افراح ( .. .. )
وسوي علامة حمرة مثلا على يوم العرس ^_^ وجيه
حاليا ماعندي افكار زيادة
اذا بغيتي ان شاء الله بنييب لج افكار
و نصايحكم باخده بعين الاعتبار
حبيت الحلويات و المصص بيتسلون فيه في العرس لوول
تقديرين توزعين دخون يعني قرص واحد ولا عطر دهني
عندج محل لياموره حلوه توزيعاتهم
الله يوفقج ويسعدج