التلقيح الصناعي في بوظبي

عادي تسوين تلقيح عند اي دكتوره نسائيه

هلا اختي انا معرسه صارلي سنه وشهر
والشهر اللي طاف سوتلي الدكتوره تلقيح صناعي بس ما استوه حمل فالدكتوره قالتلي مب شرط من اول مره التلقيح يستوي حمل لازم كم محاوله انا اروح عند دكتوره جوان مراد في الشارجه يمدحونها فأتعالج عندها ان شاء الله ال شهر الياي بعد بسوي التلقيح ان شاء الله يستوي احمل

مستشفى الكورنيش ، الحمد لله ربيعتي صار لها ثلاث سنين معرسة و عقب التلقيح الصناعي عندهم حملت.

أنا أعرف وحده كانت تسير الشارجه تسوي تلقيح صناعي بس كل مره يفشل عاد مادري وين في الشارجه بس بعدين سارت مستشفى توام في العين و ماشاءالله من أول محاولة نجح و الحين هيه حامل. سمعت إنه اللي في توام طبيبين واحد مصري و واحد بريطاني و يمدحونهم. و وايد حريم يسيرون عندهم في قسم الخصوبة. أنا الصراحه ما أنصحج تسيرين عند حد مايفهم لأنهم ممكن يخربولج الرحم واللا المبايض ها تحملي. أنا أنصحج بمستشفى توام و خصوصاً إنه الحين ماسكتنه أفضل شركه أمريكيه (جون هوبكنز). أما بالنسبه لطريقة التلقيح فأول شي بيفحصونج و بيفحصون ريلج عشان يعرفون شو السبب. انتي بيفحصولج الأنابيب إذا مسدودة و بعدين إذا شافوا إنه لازم تلقيح بيعطونج إبره تحضيرية في اليوم ال 20 أو 21 من الدورة و يوم بتيج الدورة بعطونج إبرة لمدة عشرة أيام و بعدين بياخذون منج البويضات (بتكونين تحت بنج كامل) و في نفس اليوم بياخذون من ريلج الحيوانات المنوية و بيلقحونهن في المختبر و بعد يومين تقريباً بيدخلون البيويضة الملقحة فيج و ان شاالله بتحملين …… والله أعلم