شحالكن خواتي؟ ربكن بخير وعافيه
حبيت اتخبركم عن التخدير في العملية القيصرية.. التخدير العام او النصفي .. وين الأحسن؟؟
أبا اسمع تجاربكن لاني محتاره
حملي في الاسبوع 37 وراس البيبي فوق فبيسوولي العمليه الاسبوع الياي ان شاءاللله والدكتوره نصحتني بالتخدير النصفي لانه افضل لصحتي وصحه الجنين بس خايفه أني أكون بكامل وعيي وقت العملية
طمنوني وهل صدق انه الابره في الظهر تسبب آلام بعدين وعسر تبول ؟؟ الله يعزكم
اممم عادي يدخلون حد وياي ولا ما يووز؟
واللي مجربه وعندها أي نصيحه لا تبخل علي لاني خايفه
ولا تنسوني من خالص دعاكم … وان شاءالله يكون البيبي بخير
اختكم
في قلبه مكاني
الله يقومج بالسلامة الغالية انشالله انتي والبيبي وما تشوفين شر فديتج .
التخدير النصفي عن تجربتي .. كان زين ..وبالعكس البنج النصفي ما راح يسبب لج أي ضرر
وممكن يدخلون أي حد ويااج ,,
بس انا ما رضوا يدخلون لان العملية كانت ف الليل ..
عني أنا ربيت في مستشفى ميدكير في دبي
و سولي عمليه قيصريه لأنه الحوض صغير و الحمدلله سولي بنج نص لكن من فوق عطوني تخدير عن طريق الفملمدة ساعه و نص يعني كأنه عطوج بنج كامل
عرفتي و بصراحه من بغو يحطونه على خشمي شو قالولي عشان ما أخاف قالو لي هذا مشان بيبي اكسجين لكن أهوه كان تخدير
و ألي دخل معاي العمليه ( ريلي )
تدرون انهالدكتوره ما رضت تسوي العمليه قالت حق ريلي و هي كانت عراقيه قالت آني كلش كلش ما أسوي ليها العمليه اول أشوفك داخل الغرفه
و الحمدلله مدة العمليه ما طولت كلها 20 دقيقه
و الحمدلله ألحين ولدي عمره سنه و نص
سويت شرا ما قلتي وتميت احبي واطول سجود في الصلاه .. بس ما تغيرت الوضعيه ..
بشرب ماي زمزم وان شاءلله خير لين الاسبوع الياي
أم توته
يعني ما منه خوف .. ما خفتي وقت العملية ؟
الحمدلله انه عادي يدخلون حد وياي
مشكووره على ردج
حنان الهاجري
ان شاءلله تستفيدين .. والله يبعد عنج
amina152
أول مره اسمع عن التخدير النصفي عن طريق الفم .. يا حيها الدكتوره العراقيه .. ان شاءالله يدخلون ريلي عندي .. وجوده بيريحني وايد
مشكووووره على ردج ما قصرتي والله وربي يخليلج ريلج وولدج