خواتي ……..أحب افتح وياكم باب مناقشة تاسيس الطفل صح و هني انا ما اقصد ادخاله افضل المدارس و الصرف عليه كي يتعلم بالطريقة المناسبة لتكوينه و لكن انا اتكلم بشكل عام عن التربيه الصحيحة اللي لااااازم الطفل يحصلها بدون نقص و لف و دوران …..انا اعرف امهات مدخلين عيالهم مدارس خاصة يتعلمون و يتاسسون صح بس هم غافلين عن ناحية و هي القيم ……اطفالهم لما يرجعون البيت يفتحون التلفزيون و يشوفون مسلسلات تركية….خليجية ….مكسيكية ….ايا كانت هذي المسلسلات و الافلام تكون ما تناسبهم سنهم و لا قيمهم…..فوين التاسيس الصح اللي يتكلم عنه هالامهات ؟؟؟؟ و شو رايكم انتو ؟؟؟؟
أولاً أشكرج على النقطة المهمة واللي هيه تأسيس الطفل أبغي أعرف كيف نأسس الطفل ومن اي ناحية تقصدين وأنا عن نفسي أشوف ان أغلبية الاطفال ماعندهم وقت للتلفزيون ومطالعة المسسلسلات لانهم مش فاضيين بس اذا تقصدين المراهقين هذا شي ثاني لان التلفزيون من اولوياتهم اليومية , والطفل لوتعلمينه وتربينه وتأسسينه صح لاتنسين ان المدرسة تلعب دور كبير وهي الجزء الاهم من بعد البيت لانه يختلط بفلان وعلان وعشرين الف طن من الشخصيات المتنوعة الزينة والشينة والله يستر على عيالنا من جيل المستقبل الحدييييث…..ومشكوررة الغالية
عن تجربه مهما انحافظ على عيالنا يختربون من رفاق السوء في المدرسه والمدارس ما عادة مثل قبل يشدون عالطلبه والمدرس ماعاد له هيبه عند عيال هالزمن
مشكورة اختي على طرح الموضوع
احس التربية الصحيحة تبدا من البيت والاسرة
كل شي يعتمد على الاهل والبيت ..اذا ماحطينا قوانين لعيالنا من هم صغار صعب نسيطر عليهم يوم يكبرون ..الطفل الصغير لازم نحاوره نفهمه الصح والغلط ونعلمه يعتذر ويشكر ويوم يطلب الشي يكون باسلوب محترم ..حتى الاكل لازم قوانين لها مايكون كل شي مسموح عند الطفل لازم يعرف شو الاكل الصحي والاكل اللي ماينفعه ..وطبعا الاهل هم اللي بيدخلون هالاكلات فالبيت ..المشكله يوم يروح مكان كل حد يعطي الياهل الحلويات والشبس من يدش لين يظهر الياهل ..لو مسوين كنترول لهم ..هم يخربون
بس المدرسة هي تخرب بعد ..في يهال يسبون والياهل يلقط ويرد البيت يسمع اللي سامعنه ..وهني تبدا المعاناه حتى فالحركات يقلدون غيرهم ..بس بعد يوم يسوي الياهل شي لازم نفهمه انه هالشي غلط ..
حتى بين الاهل كل ياهل يخرب الثاني والاهل يزعلون يوم نقولهم عيالكم يقولون جي ولا عيالكم سبوا ولا عيالكم ضربوا ..ترا هالشي ياثر على عيال الغير بعد ..
بالنسبه للتيلفزون من كثر ماايلس اطالع اللي ينعرض ويا بنتي مااشوف التيلفزون ولا اعرف شو مستوي فيه..بس احاول قنوات تفيدها احطلها
وحتى يوم ابوها يطالع التيلفزون اقوله انتبه ماتكون موجوده حتى لو جلب فالتيلفزون الياهل يتم يراقب شو يطلع ..مرة يجلب وطلع له وادي الذئاب ففي واحد جتل وحده وهي تسحب المزهريه جنه وطاحت فبنتي كانت واقفه بعيد اطالع وراحت وخبرتني وطول الليل وهي تلعي هالسالفه لين سالته وقال صح كان هالمشهد طلع قال مانتبهت لها واقفه فاليهال لازم ننتبه لتصرفات ونفهمه هالشي ممكن اللي شافه تمثيل لو بيفهم شي زين..حتى الاخبار يوم واحدطالع منه دم فحروب ..يتم الياهل يسال وايد ..مشكله لازم نجاوبهم بس لازم يقتنعون 