اللي راحت ايطاليا او برشلونه؟؟ ياليت يفيدوني.
اماكن سياحيه
اسواق
احسن فندق اوتعرف فندق يكون اوكي او شقق فندقيه وياليت يكون عداله اسواق
أنا سرت روما ونابولي وفينيسيا وقرية صغيرة فوق الجبل اسمها بانيولي
أما اسبانيا سرت مدريد والجنوب (الأندلس) لكن ما سرت برشلونه
السموحة منج 
وبرشلونه في اسبانيا
اسكني في الدومو بارك حياة ميلان
برشلونه اهم مكان الرامبلاس واحلى فندق يورو ستار
ميلان حياتي هاي عشقي بس حدج فيها ثلاث ايام انا سكنت في فندق عدال جاليريا وايد عصري وراقي اسمه سكارف وعن الشوبنق في شارع نابوليوني مناك عاده كل شي وكل الماركات اللي فخيالج مايحتاي تسيرين مكان ثاني
خليني اخبرج اشيا المفروض ماتفوتيها في ميلان عندج كوفي شوب خاص ب Gucci وايد روعه وبعد كافالاي كوفي شوب
في اخر الشارع بتحصلين محل من 4 طوابق اعتقد مال أرماني وبتحصلين الكوفي شوب مالهم بعد
انا مليت من ميلان بصراحه وخلصت شوبنج جان اسير ادور قطع حق فساتين ونصحوني اسير منطقه اسمه كومو مطله على بحيره وتحصلين عندهم الحراير والقطع الماركات وكل هالسوالف
ادري وايد ارمس بس بعد في شغله انا كنت اسير الاوت ليت OUTLET في منطقه اسمها سرفالي تحصلين عندهم مول فيه كل الماركات وبنص القيمه وايد روعه بصراحه انا ماقصرت.
ان شالله اكون كفيت ووفيت ^____^
جربي ميلان وادعيلي
واللي عنده بعد معلومات بعد ياليت يفيدنا