الاسماء وارتباطها بالشخصية للصحة

السلام عليكم

ابني اسمه سيف ويوم انا في المستشفى سئلتني ربيعتي شو بسمي الولد قلتلها سيف قالتلي اللي يعينج عليه بيطلع عنيد وبالفعل عمري ما شفت اعند منه وراسه يابس ومره كنت في جلسه مع جيرانا وحده منهم عندها ولد وقامت تشتكي منه ومن طبعه قلتلها ولدج اسمه سيف قالتي كيف عرفتي قلتلها عندي نفس العينه

المهم انا الحين حامل في السابع وحابه اسمي ابني يوسف او فهد مين عندها اولاد او اخوان بنفس الاسم ياريت تكلمنا عن طبعهم

طبعا انا مش مقتنعه 100% ان كل اللي اسمهم فلان لهم نفس الصفات لكن مرات تصدف انهم يتشابهو في الصفات من ناحيه الشقاوة والذكاء والعند و…………

الموضوع للدردشه فقط والتسليه

تسعدني مشاركاتكم

احسة صدق

أنا عندي ولد اسمة سيف … شو أقولج غير العناد ماشاء الله عليه راعي مشاكل ويعيل على عيال العرب ويضارب بسبب وبدون سبب عكس أخوه محمد هادي ولا له خص في حد … ويوم اتخبر يقولولي نفس الكلام

هههههه وأنا اعرف ولد حميتي اسمه سيف بس شو شيطاااان ما شاء الله عليه مشاااغب وعنيييد وحركي ما شفت مثله بحياتي .
بس ابصراحة ذكي جدا .
وريلي يبى يسمي ولده لما ربي يرزقنا سيف على اسم ابوه ربي يرحمه .
ههه واريده يطلع ذكي بس ما اتحمل الفوضى وما اعرف كيف بتعامل معه .

الحلوو الموضووع ..

واناا مراات اقوول بالفعل .. صدق تستوي .. واقتنع فيهاا ..

فديتج اناا ولد ربيعتي اسمه سييف بس ماشاء الله عليييه حركي وااايد .. وعنيد .. بس فديته ذكي

واسم يوسف <<< والله ماا اعرف ..

بس اسم فهد ..<<< ولد اختي ماشاء الله علييه .. بتلاقيناا يحب يسووولف وااااااااااااااايد وماشاء الله يااكل عني بمرتين بس وااايد ضعييييف ومووته وحياااته العيييييييييييش .,,

والصرااحه فنااان هالولد .. مرات اقووول اذا يبت ولد بسميه فهد عشاان يطلع مثله ..

وان شاء الله البنااات يفيدوودنج ..

الموضوع لمناقشة اسم يوسف وفهد الله يخليكم

ومشكوره على الردود الحلوة

سبحان الله انا سيف ولدي بعد وااااايد عنييييييييييييييد